The news is by your side.

Advertisement

مولانا سیاستدان بنیں، ڈنڈوں سے کوئی نہیں ڈرے گا: فواد چوہدری

اسلام آباد: وفاقی وزیر برائے سائنس و ٹیکنالوجی فواد چوہدری کا کہنا ہے کہ مولانا کو چاہیئے سیاستدانوں والا رویہ اختیار کریں، ڈنڈوں سے کوئی بھی نہیں ڈرے گا۔ پاکستان کو عمران خان کی لیڈر شپ پر فخر ہونا چاہیئے۔

تفصیلات کے مطابق وفاقی وزیر برائے سائنس و ٹیکنالوجی فواد چوہدری کا کہنا ہے کہ سمجھ نہیں آرہی مولانا صاحب کا مطالبہ کیا ہے، ہمیں اس پر ریسرچ کرنی چاہیئے۔

فواد چوہدری کا کہنا تھا کہ مولانا صاحب کو چاہیئے سیاستدانوں والا رویہ اختیار کریں، ڈنڈوں سے کوئی بھی نہیں ڈرے گا۔ پاکستان کو عمران خان کی لیڈر شپ پر فخر ہونا چاہیئے، عمران خان کا کردار عالمی سیاسی منظر نامے پر آرہا ہے۔

انہوں نے کہا کہ مولانا کا مطالبہ ہے عمران خان استعفیٰ دیں، اردو کا محاورہ ہے بلی کے خواب میں چھیچھڑے۔ فضل الرحمٰن کے احتجاج پر کمیٹی بنا دی ہے۔ ریسرچ کرنی پڑے گی، تھیسز لکھنے پڑیں گے کہ مولانا چاہتے کیا ہیں۔

فواد چوہدری کا کہنا تھا کہ مولانا کوئی چی گویرا تو نہیں کہ لوگ ان سے ڈر جائیں گے۔ میرے سوشل میڈیا اکاؤنٹ پر بھارتیوں کو مسائل ہو رہے ہیں۔

اس سے قبل ایک موقع پر فواد چوہدری کا کہنا تھا کہ مولانا کے دھرنے پر کیا بات کرنی، یہ دکانداری چمکانے نکلے ہیں۔ ان کا اتحاد صفر جمع صفر برابر صفر ہے۔

انہوں نے کہا تھا کہ سب کو ملا کر بھی تحریک انصاف نے شکست دی ہے آئندہ بھی دیں گے، آج بھی الیکشن کروا لیں عمران خان ان کے لیے اکیلے کافی ہیں، میں نے تو پہلے بھی کہا ہے بارگین کرنی ہے تو نیب سے کرلیں۔

Comments

comments

یہ بھی پڑھیں