The news is by your side.

10 ستمبر سے پہلے حکومت کا تختہ الٹ جائے گا، فواد چوہدری کا دعویٰ

اسلام آباد : تحریک انصاف کے رہنما فواد چوہدری نے دعویٰ کیا ہے کہ 10ستمبر سے پہلے حکومت کا تختہ الٹ جائے گا۔

تفصیلات کے مطابق تحریک انصاف کے رہنما فواد چوہدری نے پریس کانفرنس کرتے ہوئے کہا کہ پاکستان میں اس وقت اقلیتی حکومت ہے، کل عمران خان کا پہلا جلسہ تھا جس کے بعد ان کی کانپیں ٹانگ گئی ہیں۔

فواد چوہدری کا کہنا تھا کہ کل کے عمران خان کے جلسے پر بھی پابندی لگائی گئی اور جلسے کے بعد جعلی ایف آئی آر درج کی گئی۔

رہنما پی ٹی آئی نے کہا کہ چند میڈیا گروپس کی مونوپولی قائم کرنے کیلئے یہ سب کیا جارہا ہے۔

ان کا مزید کہنا تھا کہ پابندیاں عمران خان کو عوام سے دوررکھنے کی کوشش ہے، عمران خان کے خلاف ایف آئی آربنتی ہی نہیں، اسے ختم ہوناچاہیے، خارج کرنے کی درخواست دیں گے۔

فواد چوہدری نے کہا کہ کل سب نے دیکھا لوگ بغیر کال کے بنی گالہ اور دیگر شہروں میں لوگ باہر نکل آئے۔

رہنما تحریک انصاف نے دعویٰ کیا کہ دس ستمبر سے پہلے ان کاتختہ الٹ جائے گا اور اور عوام کا اقتدارعوام کو واپس ملے گا۔

فواد چوہدری کا کہنا تھا کہ بدترین مارشل لا میں بھی کسی میڈیا گروپ کیساتھ ایسا نہیں کیاگیا جوآج ہورہا ہے، صحافیوں کو گرفتار کیا جا رہا ہے ،اے آروائی نیوز کو بند کیا گیا ہے۔

Comments

یہ بھی پڑھیں