اسلام آباد : تحریک انصاف کے رہنما فواد چوہدری کا کہنا ہے کہ بدقسمتی ہے این آراوٹوپر عملدرآمد ہو رہا ہے، اب اسحاق ڈار کو بری کئے جانے کی تیاری ہے۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر سابق وزیر خزانہ اسحاق کے دائمی وارنٹ معطل ہونے پر کہا کہ اب اسحاق ڈار کو بری کئے جانے کی تیاری ہے۔
فواد چوہدری کا کہنا تھا کہ حیران ہوں تماشا دیکھا جا رہا ہے کیسے ملزم اور نیب پاکستان کاپیسہ ٹھکانے لگا رہے ہیں ، یہ تماشہ رجیم چینج کا سب سے بڑا مقصد تھا۔
اب اسحق ڈار کو بری کئے جانے کی تیاری ہے، حیران ہوں عدالتیں یہ تماشہ دیکھ رہی ہیں کہ کس طرح ملزم اور نیب مل کر پاکستان کا پیسہ ٹھکانے لگا رہے ہیں یہ تماشہ Regime Change کا سب سے بڑا مقصد تھا بدقسمتی ہے NRO2 پر عملدرآمد ہو رہا ہے اورسوائے عمران خان کے سب خاموش ہیں pic.twitter.com/VoI4XbWmpF
— Ch Fawad Hussain (@fawadchaudhry) September 23, 2022
رہنما پی ٹی آئی نے مزید کہا کہ بدقسمتی ہے این آراوٹوپر عملدرآمد ہو رہا ہے ، سوائے عمران خان کے سب خاموش ہیں۔
یاد رہے آج احتساب عدالت نے اسحاق ڈار کے دائمی وارنٹ گرفتاری معطل کردیئے، اسحاق ڈار کے دائمی وارنٹ 7اکتوبرتک معطل کئے گئے۔
عدالت نے کہا ہے کہ وارنٹ گرفتاری مکمل طور پرکینسل اسوقت ہوں گے جب ملزم پیش ہوگا۔
