The news is by your side.

Advertisement

وزیر اعظم نے مسئلہ کشمیر واضح اور مؤثر انداز میں دنیا کے سامنے پیش کیا: فواد چوہدری

اسلام آباد: وفاقی وزیر فواد چوہدری نے کہا ہے کہ پاکستانی عوام کشمیریوں کی ہر سطح پر حمایت کرتے رہیں گے۔

ان خیالات کا اظہار انھوں نے میڈیا سے گفتگو کرتے ہوئے کیا۔ ان کا کہنا تھا کہ کسی کو تسلیم شدہ متنازع علاقے کی حیثیت تبدیل کرنے کا حق نہیں۔

انھوں نے پارلیمنٹ میں وزیر اعظم کی تقریر پر تبصرہ کرتے ہوئے کہا کہ وزیراعظم عمران خان نے آج تاریخ کو سامنے رکھا ہے، نریندرمودی کشمیر کوفلسطین بنانے کی کوشش کررہے ہیں۔

وفاقی وزیر برائے سائنس و ٹیکنالوجی نے کہا کہ کشمیریوں کی سیاسی، اخلاقی، سفارتی حمایت جاری رکھیں گے، وزیر اعظم نے مسئلہ کشمیرواضح، مؤثر انداز میں دنیا کے سامنے پیش کیا۔

مزید پڑھیں: پاک فوج کشمیریوں کا جدوجہد کےاختتام تک ساتھ دےگی، جنرل باجوہ

خیال رہے کہ وزیر اعظم عمران خان نے پارلیمنٹ کے مشترکہ اجلاس سے خطاب کرتے ہوئے کہا تھا کہ آج ہونے والے مشترکہ اجلاس کی خصوصی اہمیت ہے، آج کا اجلاس نہ صرف پاکستانی قوم بلکہ بھارتی اور کشمیری عوام بھی دیکھ رہی ہے۔

انھوں نے مزید کہا کہ پاکستان مخالف کشمیری بھی آج کہہ رہے ہیں قائد اعظم کا دو قومی نظریہ درست تھا۔ وزیر اعظم نے کہا کہ پلوامہ واقعے کو بھارتی قیادت نے الیکشن کے لیے استعمال کیا، اللہ کا شکر ہے بھارت کے جہازوں کا پاکستان نے درست جواب دیا۔

Comments

comments

یہ بھی پڑھیں