The news is by your side.

Advertisement

‘پاکستانی سیاست کے ڈرامے میں نواز شریف اور زرداری کا کردار ختم ہوگیا’

اسلام آباد : وزیر سائنس اینڈ ٹیکنالوجی فواد چوہدری نے کہا ہے کہ پاکستانی سیاست کے ڈرامے میں نواز شریف اور زرداری کا کردار ختم ہوگیا ہے ، شیکسپیئر نےلکھا تھا دنیااسٹیج ہے، لوگ آتے، کردار کرتے اور چلے جاتے ہیں۔

تفصیلات کے مطابق وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا شیکسپیئر نے لکھا تھا دنیا اسٹیج ہے،لوگ آتے، کردار کرتے اور چلے جاتے ہیں، پاکستانی سیاست کے ڈرامے میں نوازشریف اورزرداری کا کردار ختم ہوگیا ہے، اب نئے کردار ماضی کے ان کرداروں کو اپنا رول بڑھانے کے لئے استعمال کرنے کے علاوہ کچھ زیادہ اہمیت نہیں دیتے۔

گذشتہ روز وفاقی وزیر برائے سائنس و ٹیکنالوجی فواد چوہدری نے میڈیا سے گفتگو کرتے ہوئے کہا تھا کہ مسلم لیگ ن نواز شریف کی صحت پر سیاست نہ کرے، یہ صرف سیاسی نہیں قانونی مسئلہ بھی ہے، عدالت ایگزٹ کنٹرول لسٹ (ای سی ایل) سے نام نکالتی تو مسئلہ نہیں تھا، وہ باہر چلے گئے اور کل عدالت کہے کہ نواز شریف کو پیش کریں تو کیسے کریں گے۔

مزید پڑھیں : کرپشن کے پیسے معاف نہیں کر سکتے، یہ پاکستانیوں کا پیسہ ہے: فواد چوہدری

ان کا کہنا تھا کہ نواز شریف اور ان کی فیملی کو گارنٹی دینی ہے، نواز شریف کو جانے دیا تو زرداری و دیگر بھی بغیر شرط جانے کا کہیں گے، کل کابینہ میں طویل میٹنگ ہوئی، وزیر اعظم کی تمام معاملات پر گہری نظر ہے، انسانی بنیاد پر کابینہ نے معاملے کا جائزہ لیا ہے۔ کابینہ نے انسانی بنیادوں پر باہر جانے کی اجازت دی ہے۔ ذیلی کمیٹی کہہ رہی ہے ماضی میں ایسی مثال نہیں ہے۔

فواد چوہدری نے کہا تھا کہ شہباز شریف، مریم نواز اور خواجہ آصف کرسی سنبھالنے کی دوڑ میں ہیں، نواز شریف کو سیکیورٹی بانڈز دینے دیں، نواز شریف واپس آئیں گے تو پیسے واپس مل جائیں گے، نواز شریف گارنٹی تو دیں کہ ٹھیک ہو کر واپس آجائیں گے۔

Comments

comments

یہ بھی پڑھیں