The news is by your side.

Advertisement

دورہ تاجکستان: وزیراعظم عمران خان شنگھائی تعاون تنظیم کے اجلاس میں شرکت کریں گے

اسلام آباد : وزیراعظم عمران خان دورہ تاجکستان میں شنگھائی تعاون تنظیم (ایس سی او) اجلاس میں شرکت کریں گے جبکہ ایران کے سربراہ ، چین کے وزیر خارجہ سمیت وسطی ایشیاکی اہم قیادت کے ساتھ بھی ملاقاتیں ہوں گی۔

تفصیلات کے مطابق وفاقی وزیر اطلاعات فواد چوہدری نے وزیراعظم کے دورہ تاجکستان کے حوالے سے گفتگو کرتے ہوئے کہا کہ وزیراعظم آج اعلیٰ سطح وفد کے ہمراہ دوشنبے روانہ ہو رہے ہیں، وزیراعظم کا دورہ دو حصوں پر محیط ہے، پہلے حصے میں وزیراعظم ایس سی او اجلاس میں شرکت کریں گے، اجلاس میں رکن ممالک کے سربراہان بھی موجود ہوں گے۔

وفاقی وزیر اطلاعات کا کہنا تھا کہ وزیراعظم کی ایران کے سربراہ ، چین کے وزیر خارجہ سمیت وسطی ایشیاکی اہم قیادت کے ساتھ بھی ملاقاتیں ہوں گی، وزیراعظم عمران خان کی روس کے صدر پیوٹن کے ساتھ ملاقات طے تھی تاہم صدر پیوٹن قرنطینہ میں ہونے کی وجہ سے دوشنبے نہیں آ رہے۔

فواد چوہدری نے کہا کہ صدر پیوٹن اور وزیراعظم عمران خان کی فون پر تفصیلی بات ہوئی ہے، وزیراعظم عمران خان اور صدر پیوٹن کے درمیان ملاقات جلد متوقع ہے۔

ان کا کہنا تھا کہ وزیراعظم کو تاجکستان کے صدرنے دورے کی دعوت دی تھی، تاجکستان اور پاکستان کے قریبی برادرانہ تعلقات ہیں،وزیراعظم عمران خان تاجکستان میں بزنس کانفرنس میں شرکت کریں گے ، بزنس کانفرنس میں کاروباری روابط کو بڑھانے پر بات ہوگی۔

وفاقی وزیر اطلاعات نے مزید کہا کہ افغانستان کی صورتحال کانفرنس کا کلیدی حصہ رہے گی، تاجکستان کا افغانستان کے حوالے سے کردار کو تسلیم کرتے ہیں، دورہ تاجکستان سے افغانستان میں ہمارے نظریہ کو تقویت ملے گی، وژن سینٹرل ایشیاپاکستان کی فارن پالیسی کا کلیدی حصہ ہے، وزیراعظم جب بھی بیرون ملک دورےپر گئے،پاکستان کا وقار بلند کیا۔

Comments

یہ بھی پڑھیں