The news is by your side.

‘حقیقی آزادی مارچ کا آخری مرحلہ آگیا ہے، عوام تیار رہیں’

لاہور : تحریک انصاف کے رہنما فواد چوہدری کا کہنا ہے کہ حقیقی آزادی مارچ کا آخری مرحلہ آگیا ہے، عوام تیار رہیں۔

تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ حقیقی آزادی مارچ روات کےمقام سے راولپنڈی میں داخل ہونے کیلئے پہنچےگا، شاہ محمودقریشی اوراسدعمرنےشاندار مہم کی نگرانی کی، آج دونوں قافلے روات کے مقام پر ملیں گے،آخری مرحلہ آگیا ہے تیار رہیں، عمران خان آج عوام کو راولپنڈی پہنچنے کی کال دیں گے۔

خیال رہے تحریک انصاف کے حقیقی آزادی مارچ کے دونوں حصے شاہ محمود اور اسد عمر کی قیادت میں دو مختلف روٹس پر آج روات میں اکٹھے ہوں گے۔

عمران خان سوا چار بجے ویڈیو لنک پر شرکاء سے خطاب کریں گے اور اپنے خطاب میں راولپنڈی جانے کی تاریخ کا اعلان کریں گے۔

عمران خان کے خطاب کے لیے بڑی سکرین نصب اور انتظامات کو حتمی شکل دی جا رہی ہے

11نومبر کو اسد عمر کی قیادت میں ٹوبہ ٹیک سنگھ سے لانگ مارچ کے ایک روٹ کا آغاز کیا گیا ، اسد عمر کی قیادت میں 8 دن میں لانگ مارچ کل چکوال پہنچا۔

تحریک انصاف کا کہنا ہے کہ چکوال کے بعد لانگ مارچ کارواں کی شکل میں نہیں جائے گا، کارکنوں کو روات از خود پہنچنے کی ہدایت کی گئی ہے۔

Comments

یہ بھی پڑھیں