اسلام آباد : وفاقی وزیر اطلاعات فواد چوہدری کا کہنا ہے کہ صحت، تعلیم، آٹا، چینی،دال اور گھی پر بڑا ریلیف لا رہے ہیں، اب غریب ترین سے متوسط طبقے کا ہرفرد صحت کارڈ سے علاج کراسکے گا۔
تفصیلات کے مطابق وفاقی وزیر اطلاعات فواد چوہدرینے سماجی رابطے کی ویب سائٹ ٹوئٹر پر اپنے بیان میں کہا ہے کہ خیبر پختونخوا کے بعد اب پنجاب کے ہرخاندان کوصحت کارڈکی سہولت میسرہوگی اور صحت کارڈ سے ہر سال10لاکھ روپے تک کاعلاج کرایا جا سکے گا، اس گیم چینجر پروگرام کے ذریعے اب کوالٹی علاج غریب ترین سے متوسط طبقے تک ہر فرد کو میسر ہوگا۔
فواد چوہدری کا کہنا تھا کہ صحت، تعلیم اور چار بنیادی اشیاء ضرورت آٹا، چینی،دال اور گھی پر بڑا ریلیف لا رہے ہیں۔
خیبر ہختونخواہ کے بعد اب پنجاب کا ہر خاندان دس لاکھ روپے تک ہر سال صحت کارڈ کے ذریعے حاصل کر سکے گا، اس گیم چینجر ہروگرام کے ذریعے اب کوالٹی علاج غریب ترین سے متوسط طبقے تک ہر فرد کو میسر ہو گا، صحت، تعلیم اور چار بنیادی اشیاء ضرورت آٹا، چینی،دال اور گھی پر بڑا ریلیف لا رہے ہیں
— Ch Fawad Hussain (@fawadchaudhry) October 22, 2021
وفاقی وزیر اطلاعات نے مزید بتایا کہ شروعات دسمبرمیں ہوگی،مارچ تک پنجاب میں صحت کارڈمل جائیں گے۔
شروع انشاللہ دسمبر میں ہو گا اور مارچ تک پورے پنجاب کو صحت کارڈ مل جائینگے https://t.co/QNXCkuByeK
— Ch Fawad Hussain (@fawadchaudhry) October 22, 2021
ان کا کہنا تھا کہ کارڈ مرضی کے کسی بھی ڈاکٹریااسپتال میں استعمال کرسکیں گے، نجی ڈاکٹر،اسپتال بھی آپ کےعلاج کیلئےبلامعاوضہ میسر ہوں گے۔
صحت کارڈ آپ اپنی مرضی کے کسی بھی ڈاکٹر یا ہسپتال میں استعمال کر سکیں گے سرکاری ہی نہیں پرائیویٹ ڈاکٹر اور ہسپتال بھی اب آپ کے علاج کیلئے بلامعاوضہ میسر ہوں گے https://t.co/xbpXwFsr85
— Ch Fawad Hussain (@fawadchaudhry) October 22, 2021