The news is by your side.

Advertisement

زرداری صاحب اور نوازشریف کی سیاست دفن ہوچکی ہے: فواد چوہدری

اسلام آباد: وفاقی وزیر اطلاعات فواد چوہدری نے کہا ہے کہ 2018 میں  پی ٹی آئی کے حکومت میں آنے سے کچھ دو اور کچھ لو کی سیاست ختم ہوگئی.

ان خیالات کا اظہار انھوں نے پریس کانفرنس کرتے ہوئے کہا. ان کہنا تھا کہ سندھ کے عوام کا پیسہ دبئی لندن میں خرچ ہوتا رہا،  انھوں نے کہا کہ جب ابو حکومت  نہیں گراسکے، تو  بلاول کیسے حکومت گرائیں گے۔

انھوں نے کہا کہ جے آئی ٹی رپورٹ سے  پتا لگا کہ سندھ میں لوٹ مار کیسے کی گئی، سندھ کے عوام کے اسپتالوں کا پیسہ لوٹا گیا، میگا منی لانڈرنگ کا مقدمہ ہم نے شروع نہیں کیا تھا.

فواد چوہدری کا کہنا ہے کہ غریبوں کا پیسہ گھوم گھوم کر زرداری صاحب کے اکاؤنٹ میں آتا تھا، چوہدری نثار بہ طور وزیرداخلہ منی لانڈرنگ کیس پردو سال کیوں خاموش رہے، نواز اور زرداری کی سیاست کرنی ہے، تو کرپشن کو حلال قراردی دیتے ہیں.

ن کا کہنا تھا کہ حکومت نے جے آئی ٹی پرکسی قسم کا اثر یا دباؤ استعمال نہیں کیا، تاثر دیا جارہا ہے کہ سندھ حکومت کا تختہ الٹنےکی کوشش کررہے ہیں، کسی وفاقی وزیر نے سندھ میں گورنرراج کی بات نہیں کی.

انھوں نے مزید کہا کہ زرداری صاحب اور نوازشریف کی سیاست دفن ہوچکی ہے، میثاق جمہوریت ایک دوسرے کی کرپشن چھپانے کے لئے کیا گیا تھا، ہم اداروں کو کنٹرول کرنے پر یقین نہیں رکھتے، ہم نے آکر اداروں کو قانون کے مطابق مضبوط کیا، ورنہ سندھ میں زرداری صاحب کا نیٹ ورک چل رہا تھا، پنجاب میں نوازشریف کا اپنا نیٹ ورک چل رہا تھا، یہ دونوں ہنسی خوشی زندگی گزار رہے تھے، پھرعمران خان آگیا۔


مزید پڑھیں: وزیر اعلیٰ سندھ کے خلاف سندھ اسمبلی میں تحریک التوا جمع


ان کا کہنا تھا کہ گد اور گیدڑ سندھ سے چمٹے ہوئے ہیں، جو سندھ میں کسانوں، مزدوروں، مریضوں، تھرکے عوا کا پیسہ لوٹ کر کھا گئے، سندھ کے عوام کے پیسوں سے دبئی میں محلات، جہاز خریدے گئے، ان لوگوں نے سندھ، پنجاب کو اندر سے کھوکھلا کیا اورپھر نعرےبھی لگاتےہیں، سندھ کا پیسہ زرداری،اومنی گروپ اور حکومتی ارکان نےکھایا۔

فوادچوہدری نے کہا کہ وزیراعظم نے فیصلہ کیا یہ تاثر نہیں جانا چاہیے کہ سندھ میں مداخلت چاہتے ہیں،اسی معاملے پر آج وزیر اعظم عمران خان سے تین بار ملاقاتیں ہوئیں، چاہتے ہیں کہ وزیراعلیٰ سندھ مرادعلی شاہ مستعفیٰ ہوجائیں، ای سی ایل میں نام ہونے پرحکومتی امور کے لئے وزیراعلیٰ باہر کیسے جاسکے گا۔

انھوں نے کہا کہ مرادعلی شاہ کو مشورہ ، اپیل اوردرخواست ہےخود اپنے عہدے سے ہٹ جائیں، مرادعلی شاہ خود عہدے سے نہیں ہٹیں گے، تو سندھ اسمبلی ہٹاسکتی ہے۔

فوادچوہدری کا کہنا تھا کہ جےآئی ٹی کی خود مختاری پر بات کرنا حکومت کا کام نہیں، سپریم کورٹ اگرکہےگی 16ریفرنس دائر کریں تو دائر کئے جائیں گے، جے آئی ٹی ہم نے بنائی نہ اس کی رپورٹ میں حکومت کا عمل دخل ہے، عمران خان کی قیادت میں احتساب کا عمل آگے بڑھے گا۔

Comments

comments

یہ بھی پڑھیں