The news is by your side.

Advertisement

ویڈیو گیمز میں دلچسپی رکھنے والوں کیلیے نئے مواقع ، فواد چوہدری نے بڑی خوشخبری سنادی

اسلام آباد : پاکستان اسپورٹس بورڈ اور پاکستان سائنس فاونڈیشن کے درمیان یادداشت طے پاگئی،فواد چوہدری کا کہنا ہے کہ ویڈیو گیمز سے دلچسپی ہے توتیار ہو جائیں ، نئے مواقع آپ کے منتظر ہیں۔

تفصیلات کے مطابق وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستان اسپورٹس بورڈاورپاکستان سائنس فاونڈیشن کے درمیان یادداشت طے پاگئی، یادداشت کےبعدای اسپورٹس کو باقاعدہ کھیل کا درجہ حاصل ہو گا، ویڈیو گیمز سےدلچسپی ہے توتیار ہو جائیں ، نئے مواقع آپ کے منتظر ہیں۔

خیال رہے وزارتِ سائنس و ٹیکنالوجی نے ملک میں ویڈیو گیمز پروگرامنگ کا ایک خصوصی پروگرام لانے کا اعلان کرتے ہوئے کہا تھا کہ پاکستان میں سرکاری سطح پر ویڈیو گیمنگ انڈسٹری کو ماضی میں توجہ نہیں دی گئی، تاہم اب پی ٹی آئی حکومت نے دیگر صنعتوں کے ساتھ ویڈیو گیمز کی صنعت کو بھی فروغ دینے کی تیاری کر لی ہے۔

اد چوہدری کا کہنا تھا کہ ویڈیو گیمز کے اس خصوصی پروگرام کا مقصد یہ ہے کہ ہم 90 ارب ڈالر کی انڈسٹری کاحصہ بن سکیں، اینی میشن اور ویڈیو گیمز سرٹیفکیشن پروگرامز نوجوانوں کے لیے گیم ہی نہیں گیم چینجر بھی ہوں گے۔

Comments

یہ بھی پڑھیں