پاکستان اور سعودی عرب ہر مشکل وقت میں ساتھ کھڑے رہے، فواد چوہدری -
The news is by your side.

Advertisement

پاکستان اور سعودی عرب ہر مشکل وقت میں ساتھ کھڑے رہے، فواد چوہدری

اسلام آباد : وفاقی وزیر اطلاعات فواد چوہدری نے کہا ہے کہ پاکستان اور سعودی عرب ہر مشکل وقت میں ایک دوسرے کے ساتھ کھڑے رہے، سیاحت کے فروغ کے لیے اقدامات کیے جا رہے ہیں۔

یہ بات انہوں نے اسلام آباد میں سعودی میڈیا نمائندگان کے وفد سے ملاقات کے موقع پر کہی، وفاقی وزیر اطلاعات نے کہا کہ پاکستان، سعودی عرب تعلقات تاریخی اور سفارتی سطح پر بہت مضبوط ہیں، دونوں ملک ہر مشکل وقت میں ایک دوسرے کے ساتھ کھڑے ہوئے، سعودی ولی عہد محمد بن سلمان کا دورہ پاکستان انتہائی اہمیت کا حامل ہے۔

فواد چوہدری نے کہا کہ پاکستان میں سرمایہ کاری پر سعودی حکومت کے شکر گزار ہیں، سعودی عرب نے ہمیشہ پاکستانی معیشت مضبوط کرنے میں کردار ادا کیا ہے، سعودی ولی عہد کے دورے سے تعلقات کے نئے دور کا آ غاز ہوگا۔

ایک سوال کے جواب میں انہوں نے کہا کہ وزیراعظم عمران خان اور سعودی ولی عہد کے درمیان مضبوط رابطہ ہے، اس سے قبل بھی سعودی عرب نے مشکل حالات میں پاکستان کی مدد کی ہے، سعودی عرب پاکستان کا قریب ترین اتحادی ہے۔

فواد چوہدری کا مزید کہنا تھا کہ گوادر میں سعودی عرب آئل ریفائنری پروگرام کا خیرمقدم کرتے ہیں، یہ آئل ریفائنری ایشیا کی بڑی آئل ریفائنری میں سے ایک ہوگی، آئل ریفائنری لگنے سے روزگار کے وسیع مواقع پیدا ہوں گے۔

سعودی ولی عہد محمد بن سلمان کے دورے سے متعلق وزیر اطلاعات نے کہا کہ سرمایہ کاری کی مزید یادداشتوں پر بھی دستخط متوقع ہیں، قوم سعودی ولی عہد کو پاکستان میں خوش آمدید کہنے کیلئے پرجوش ہے، سعودی عرب کے ساتھ میڈیا اور فلم کے تبادلے کے پروگرام کے خواہاں ہیں،۔

اس کے علاوہ سعودی عرب کے لئے ویزا پالیسی کا پروگرام زیر غور ہے، پاکستان کے شمالی علاقہ جات قدرتی طور دیکھنے کے قابل ہے پاکستان میں سیاحت کے فروغ کے اقدامات کیے جا رہے ہیں۔

Comments

comments

یہ بھی پڑھیں