ہمارے نمبر پورے ہیں، عارف علوی صدر منتخب ہوجائیں‌ گے: فواد چوہدری Fawad Chaudhry
The news is by your side.

Advertisement

ہمارے نمبر پورے ہیں، عارف علوی صدر منتخب ہوجائیں‌ گے: فواد چوہدری

اسلام آباد: وفاقی وزیراطلاعات فوادچوہدری نے کہا ہے کہ حکومت کے نمبرز پورے ہیں، عارف علوی صدر منتخب ہوجائیں‌ گے.

ان خیالات کا اظہار انھوں نے اسلام آباد میں‌ پریس کانفرنس کرتے ہوئے کیا. ان کا کہنا تھا کہ عارف علوی ہی پی ٹی آئی کے صدارتی امیدوارہیں.

انھوں نے دعویٰ‌ کیا کہ ایم کیوایم، ق لیگ، جی ڈےاے، بی اے پی حکومتی امیدوار کو ووٹ دیں گی، صدارتی انتخاب میں پی ٹی آئی کوکوئی دشواری نہیں.

ایک سوال کے جواب میں‌ فوادچوہدری نے کہا کہ میٹرک پاس صدربن سکتا ہے، تو پھرگورنرمیں کیا مسئلہ ہے.

ان کا کہنا تھا کہ وزیراعظم عمران خان نےکل کابینہ اجلاس میں تاریخی فیصلے کیے، ان فیصلوں سے خزانے کو کروڑوں روپےکی بچت ہوئی، ریلوےکےخسارےکوکم کرنےکی کوشش کررہے ہیں، عمران خان پوری کابینہ کے لئے رول ماڈل ہیں.

پی ٹی وی کے نئے چینلز

انھوں نے کہا کہ پی ٹی وی کے دو نئے چینلز لا رہے ہیں، ایک پی ٹی وی اسپورٹس اور دوسرا چینل بچوں کے لئے ہوگا.

وفاقی وزیر اطلاعات کا کہنا تھا کہ موجودہ پی ٹی وی اسپورٹس کوصرف کرکٹ چینل بنائیں گے، پی ٹی وی میں سینسرشپ ختم کر دی ہے.

Comments

comments

یہ بھی پڑھیں