لاہور: تحریک انصاف کے رہنما فواد چوہدری نے شہباز شریف کے بھارت سے متعلق موقف پر حیرانگی کا اظہار کرتے ہوئے کہا کہ بھارت سے مذاکرات کی بھیک مانگنا پاکستان کی پالیسی نہیں۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ شہباز شریف کے بھارت سے متعلق موقف پر حیرانگی ہے، بھارت سے مذاکرات کی بھیک مانگنا پاکستان کی پالیسی نہیں ہے۔
فواد چوہدری کا کہنا تھا کہ مودی حکومت مقبوضہ کشمیر کی پہلے والی آئینی حیثیت کو بحال کرے، مقبوضہ کشمیرکی پہلے والی حیثیت بحال ہونے پر پاکستان مذاکرات کرے گا، شہباز شریف کو کشمیر بیچنے کی اجازت نہیں دی جا سکتی، شہبازشریف کے نقطہ نظر کو سختی سے مسترد کرتے ہیں۔
Shocked on this statement of Shahbaz Sharif, our stand is Modi Janta must reverse constitutional position of Kashmir to its original, only then Pak ll negotiate begging for talks is not Pak policy we strongly reject this approach Shahbaz Sharif cannot be allowed to sell Kashmir https://t.co/gA1ZiSh42Z
— Ch Fawad Hussain (@fawadchaudhry) January 17, 2023
پی ٹی آئی رہنما نے ایک اور ٹوئٹ میں لکھا کہ قومیں صدیوں زندہ رہنے کے لیے جدوجہد کرتی ہیں، جب جدوجہد آزادی کی بات آتی ہے تو 75 سال پلک جھپکتے ہی گزر گئے،فوادچوہدری
ان کا کہنا تھا کہ کشمیری اسوقت تک لڑتےرہیں گےجب تک آزادی حاصل نہیں کرلیتے، پاکستان ہمیشہ کی طرح کشمیری عوام کی حمایت جاری رکھے گا، میرے کارواں میں شامل کوئی کم نظر نہیں، جو نہ کٹ سکے وطن پر میرا ہمسفر نہیں۔
Nations live for centuries and so there struggles,75 years is a blink of an eye when it comes to freedom struggle Kashmiris will fight till they secure freedom,steadfast support of Pakistan is guaranteed میرے کارواں میں شامل کوئ کم نظر نہیں۔۔ جو نہ کٹ سکے وطن پر میرا ہمُسفر نہی https://t.co/4u2vqDmZqe
— Ch Fawad Hussain (@fawadchaudhry) January 17, 2023