The news is by your side.

Advertisement

کابینہ سےدرخواست کریں گے کہ رویت ہلال کمیٹی کوختم کردیاجائے، فوادچوہدری

جب تک افتخار چوہدری جیل نہیں جاتے احتساب مکمل نہیں ہوسکتا

اسلام آباد : وزیر سائنس اینڈ ٹیکنالوجی فوادچوہدری نے رویت ہلال کمیٹی کے خاتمے کیلئے کابینہ میں معاملہ اٹھانے کا اعلان کرتے ہوئے کہا امید ہےاوآئی سی ہمارے قمری کلینڈرکومنظور کرلے گی، مریم اوربلاول دونوں ابوبچاؤمہم پرگامزن ہیں۔

تفصیلات کے مطابق وزیر سائنس اینڈ ٹیکنالوجی فوادچوہدری نے میڈیا سے گفتگو کرتے ہوئے کہا امریکا سے سائنس اورٹیکنالوجی میں تعاون بحال کرناچاہتےہیں، کابینہ سےدرخواست کریں گے کہ رویت ہلال کمیٹی کوختم کردیاجائے۔

فوادچوہدری کا کہنا تھا چانددیکھنےسےمتعلق دیگرممالک نےہماری کوشش کوبہت سراہاہے، امید ہے او آئی سی ہمارے قمری کلینڈر کو منظور کرلےگی، اوآئی سی ہمارے قمری کلینڈر پر غور کرےگی، اللہ نے چاہا تو اسلامی دنیا کا ایک متفقہ کلینڈر ہوگا۔

اللہ نےچاہاتواسلامی دنیا کا ایک متفقہ کلینڈر ہوگا

وزیر سائنس اینڈ ٹیکنالوجی نے کہا شریف خاندان کی کرپشن کی کہانیاں سن سن کربورہوگئےہیں، نوازشریف اورمریم نوازپربڑےسادہ سے الزامات ہیں، آپ کے پاس ثبوت نہیں توآپ نے کرپشن کی ہے، جج صاحب کے لیٹر سے ہمارا کوئی تعلق نہیں، جتنی محنت ویڈیو خریدنے میں کی، اتنی محنت سےریکارڈجمع کر لیتے۔

ان کا کہنا تھا کہ جوپیسہ آپ نےچوری کیااسےواپس کرناچاہیے، عمران خان نےسپریم کورٹ میں ایک ایک پائی کاحساب دیا، یہ لوگ صرف آئیں بائیں شائیں کررہے ہیں جبکہ عمران خان نے40سال پراناتک ریکارڈعدالت میں جمع کرایا۔

جتنی محنت ویڈیو خریدنے میں کی، اتنی محنت سےریکارڈجمع کرلیتے

فوادچوہدری نے کہا حسن اورحسین نوازکہتےہیں ان پرپاکستانی قانون نافذنہیں برطانوی ہیں ، بیٹی کہتی ہےکہ میں پاکستان اورقوم کی بیٹی ہوں، پہلےگھرمیں فیصلہ کریں پاکستانی ہیں یابرطانوی ہیں۔

وفاقی وزیر کا کہنا تھا یہ لوگ کبھی اپنےپاؤں پرکھڑے ہی نہیں ہوئے، مریم اوربلاول دونوں ابوبچاؤمہم پرگامزن ہیں، جن جرائم میں یہ لوگ اندرہیں وہ مالی جرائم ہیں، بلاول جہاں بھی جاتےہیں اسپیشل فلائٹ پرجاتےہیں۔

افتخارچوہدری کے اثاثوں کو فوری طور پر سیزکرنا چاہئے

انھوں نے مزید کہا کہ خواجہ حارث نے کم ازکم 8 سے 10 کروڑ فیس لی ہے، خواجہ حارث کی فیس کہاں سے آرہی ہے، جب تک افتخار چوہدری جیل نہیں جاتے احتساب مکمل نہیں ہوسکتا۔

فواد چوہدری کا کہنا تھا شہزاد اکبر سے میرا بڑا پرانا تعلق ہے، شہباز شریف کا شہزاداکبر نے ٹی ٹی والا اسکینڈل پکڑا، باقیوں کے بھی بچے ہیں لیکن اتنی جلدی بلین پتی بن گئے، افتخارچوہدری کے اثاثوں کو فوری طور پر سیزکرنا چاہئے، زیادہ پیسے ٹھکانے لگانے میں افتخار چوہدری عقل مند ہیں۔

Comments

یہ بھی پڑھیں