اسلام آباد : وزیر سائنس اینڈ ٹیکنالوجی فواد چوہدری نے کہا بےنامی جائیدادوں کیخلاف ایکشن کاوقت شروع ہوگیا شایدیہ سمجھتےتھے ہمیشہ کی طرح اب بھی بچ جائیں گے۔
تفصیلات کے مطابق وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر ایف بی آر کی جانب سے بےنامی جائیدادیں ضبط ہونے پر کہا ایکشن کاوقت شروع ہوگیا، حکومت نےکوشش کی ایسے لوگوں کوسسٹم میں لایاجائے، شایدیہ سمجھتےتھے ہمیشہ کی طرح اب بھی بچ جائیں گے، وزیراعظم سےصبح ملاتھا وہ واضح تھے ایکشن ہوگا۔
یاد رہے ایف بی آر کی جانب سے بے نامی جائیدادیں ضبط ہوناشروع ہوگئیں ہیں ، ایف بی آر نے راولپنڈی میں چھ ہزارکنال اراضی ضبط کرلی ہے۔
ذرائع کے مطابق ن لیگ کے سینیٹرچوہدری تنویرکی چھ ہزارکنال بےنامی اراضی کاپتہ لگایا گیا، بےنامی جائیداد چوہدری تنویرنے اپنے ملازمین کےنام بنا رکھی تھی، ملازمین میں عبدالعزیز، اظہر علی،موہن معروف، شاہجہاں بیگم اور راجہ شکورشامل ہیں۔
مزید پڑھیں : بے نامی جائیدادیں ضبط ہونا شروع
ایف بی آرکی جانب سے ملازمین کونوٹس بھی جاری کئے گئے ہیں۔
خیال رہے ایسیٹ ڈیکلریشن اسکیم کا آج آخری دن ہے ، تاریخ بدلتے ہی حکومت ایکشن میں آئے گی اور بےنامی جائیداد ضبط ہوگی۔
ترجمان ایف بی آرکا کہنا ہے چالیس ہزارافراد کےکیسز پرکام جاری ہے،امید ہےفائدہ اٹھانےوالوں کی تعداد ایک لاکھ دس ہزار سےزائد ہوجائےگی،اسکیم شام چھ بجےختم ہوجائےگی،بینکنگ اوقات کےبعدکوئی نیا کیس نہیں لیا جائےگا۔
