The news is by your side.

Advertisement

چیئرمین سینیٹ کے خلاف تحریک عدم اعتماد بدقسمتی ہے، فواد چوہدری

اسلام آباد: وفاقی وزیر سائنس اینڈ ٹیکنالوجی فواد چوہدری کا کہنا ہے کہ تحریک عدم اعتماد سے فرق پڑے گا تو سینیٹ کو پڑے گا جہاں صادق سنجرانی ایک توازن قائم کیے ہوئے تھے۔

تفصیلات کے مطابق سماجی رابطے کی ویب سائٹ ٹویٹر پر فواد چوہدری نے اپنے پیغام میں کہا کہ چیئرمین سینیٹ کے خلاف تحریک عدم اعتماد بدقسمتی ہے۔

وفاقی وزیر سائنس اینڈ ٹیکنالوجی نے کہا کہ یہ ابو بچاؤ مہم کا حصہ ہے اس عمل سے حکومت ، وزیراعظم کو کوئی فرق نہیں پڑنا، فرق پڑے گا توسینیٹ کو پڑے گا جہاں صادق سنجرانی ایک توازن قائم کیے ہوئے تھے۔

فواد چوہدری نے مزید کہا کہ اب تحریک عدم اعتماد کامیاب ہو یا ناکام یہ توازن متاثر ہوگا۔

واضح رہے کہ سینیٹ کی تاریخ میں پہلی بار چیئرمین سینیٹ صادق سنجرانی اور ڈپٹی چیئرمین سینیٹ سلیم مانڈوی والا کو عہدے سے ہٹانے کی قراردادوں پر رائے شماری آج ہوگی۔

دوپہر 2 بجے شروع ہونے والے اجلاس میں سینیٹ میں اعتماد کی بڑی جنگ آج ہوگی جس میں حکومت اور اپوزیشن کا نمبرز گیم کی بنیاد پر ٹکراؤ ہوگا۔

Comments

comments

یہ بھی پڑھیں