اسلام آباد: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ افغان دارالحکومت کابل میں ہونے والے ہولناک حملے کی مذمت کے لیے الفاظ نہیں ہیں۔
تفصیلات کے مطابق وفاقی وزیر برائے سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹویٹر پر اپنے پیغام میں کہا کہ ہمیں اے پی ایس یاد ہے افغانستان کے لوگوں کا دکھ سمجھ سکتے ہیں۔
We remeber#APS we can feel the pain of people of Afghanistan, short of words to condemn this horrific attack, Children of every ethnicity,religion or clan are indistinguishable Terroism in all forms must be condemned and we all must fightvthe menance together. #Afghanistan https://t.co/WG1OQfsnkd
— Ch Fawad Hussain (@fawadchaudhry) July 2, 2019
فواد چوہدری نے کہا کہ افغان دارالحکومت کابل میں ہونے والے ہولناک حملے کی مذمت کے لیے الفاظ نہیں، دہشت گردی کی ہرشکل میں مذمت ہونی چاہیے۔
وفاقی وزیر برائے سائنس اینڈ ٹیکنالوجی فواد چوہدری نے مزید کہا کہ ہمیں دہشت گردی کے خلاف مل کرجنگ کرنا چاہیے۔
افغان وزارت دفاع کی عمارت میں دھماکا، 10 افراد ہلاک
یاد رہے کہ گزشتہ روز افغانستان کے دارالحکومت کابل میں وزارت دفاع کے لاجسٹک سینٹر کے اندر زور دھماکے کے نتیجے میں 10 افراد ہلاک جبکہ بچوں سمیت 68 افراد زخمی ہوگئے تھے۔