بڑے کرپٹ لوگوں کو گردنوں سے پکڑیں گے‘ فواد چوہدری -
The news is by your side.

Advertisement

بڑے کرپٹ لوگوں کو گردنوں سے پکڑیں گے‘ فواد چوہدری

اسلام آباد : وفاقی وزیراطلاعات ونشریات کا کہنا ہے کہ کرپشن پر جس کو ہاتھ لگائیں کہتے ہیں انتقامی کارروائی ہو رہی ہے۔

تفصیلات کے مطابق وزیراطلاعات ونشریات فواد چوہدری نے پارلیمنٹ ہاؤس کے باہرمیڈیا سے گفتگو کرتے ہوئے کہا کہ جب کہتے ہیں ڈاکوؤں کا الٹا لٹکا دینا چاہیے اپوزیشن احتجاج کرتی ہے۔

انہوں نے کہا کہ ڈاکوؤں کے خلاف کارروائی پر اپوزیشن کیوں احتجاج کررہی ہے، چوروں کوسزاکی بات کرنے پراپوزیشن کوکیوں اعتراض ہوتا ہے۔

فواد چوہدری نے کہا کہ تیمورتالپورنے سینیٹ انتخابات میں ووٹ خریدنےکا اعتراف کیا، الیکشن کمیشن کوتیمورتالپورکے بیان کا نوٹس لینا چاہیے۔

وفاقی وزیر نے کہا کہ سینیٹ انتخاب، وفاداریاں خریدنے کے اعتراف پرنوٹس لینا چاہیے، الیکشن کمیشن ایک آئینی اورخودمختارادارہ ہے۔

انہوں نے کہا کہ وزیراعظم نے حلف لینے سے پہلے ووٹ خریدنے کی بات کی تھی، سینیٹ انتخابات کے طریقہ کار تبدیل ہونا چاہیے۔

فواد چوہدری نے کہا کہ سینیٹرمشاہد اللہ خان کو جواب دینا چاہیے، وہ بتائیں انہوں نے رشتہ داروں کو پی آئی اے میں بھرتی کیا ہے۔

وفاقی وزیراطلاعات ونشریات نے کہا کہ جن لوگوں نے پاکستان لوٹا ان کی جائیدادیں نیلام ہونی چاہئیں، بڑے کرپٹ لوگوں کو گردنوں سے پکڑیں گے۔

اگروزیراعظم میری بات مانیں تو ملک لوٹنے والوں کو الٹا لٹکانا چاہے‘ فواد چوہدری

یاد رہے کہ گزشتہ روز فواد چوہدری کا کہنا تھا گزشتہ ادوارمیں ملک کے خزانے کو لوٹا گیا، برباد کیا گیا، اگر وزیراعظم میری بات مانیں تو ملک لوٹنے والوں کو الٹا لٹکانا چاہے۔

Comments

comments

یہ بھی پڑھیں