The news is by your side.

Advertisement

آج 40 ہزار ہیلتھ ورکرز کو ویکسین لگائی جائے گی: فواد چوہدری

اسلام آباد: وزیر برائے سائنس و ٹیکنالوجی فواد چوہدری کا کہنا ہے کہ آج 40 ہزار ہیلتھ ورکرز کو ویکسین لگائی جائے گی، چائنیز ویکسین کے بعد اگلی ویکسین ایسٹرا زینکا ہوگی جو چند ہفتوں میں پاکستان میں میسر ہو جائے گی۔

تفصیلات کے مطابق وفاقی وزیر برائے سائنس و ٹیکنالوجی فواد چوہدری نے سماجی رابطوں کی ویب سائٹ ٹویٹر پر اپنے ٹویٹ میں کہا کہ ملک بھر میں آج سے کووڈ ویکسی نیشن کا آغاز کردیا گیا ہے۔

فواد چوہدری کا کہنا تھا کہ آج 40 ہزار ہیلتھ ورکرز کو ویکسین لگائی جائے گی، آنے والے دنوں میں روزانہ ایک لاکھ سے زائد لوگ ویکسین لگوا سکیں گے۔

انہوں نے کہا کہ چائنیز ویکسین کے بعد اگلی ویکسین ایسٹرا زینکا ہوگی جو چند ہفتوں میں پاکستان میں میسر ہو جائے گی۔

خیال رہے کہ گزشتہ روز پاکستان میں کرونا وائرس کی پہلی ویکسین لگائی گئی تھی، وزیر اعظم عمران خان نے ملک میں کرونا ویکسی نیشن مہم کا آغاز کیا تھا۔

پاکستان میں کرونا کی پہلی ویکسین پمز اسپتال کے ڈاکٹر رانا عمران سکندر کو لگائی گئی۔

افتتاحی تقریب سے خطاب کرتے ہوئے وزیر اعظم نے کہا تھا کہ ہیلتھ ورکرز کی ویکسی نیشن سب سے زیادہ ضروری ہے، کرونا وائرس سے بچنے کے لیے ایس او پیز پر عمل لازمی ہے۔

Comments

یہ بھی پڑھیں