اسلام آباد: وفاقی وزیر اطلاعات فواد چوہدری کا کہنا ہے کہ نئے افغان وزیر داخلہ فیصلہ کرلیں پاکستان کو پارٹنر کے طور پر چاہتے ہیں یا اپنی حکومت کی ناکامیوں کے لیے قربانی کا بکرا بنانا چاہتے ہیں۔
تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ نئے افغان وزیر داخلہ کو حقائق سمجھنے کی ضرورت ہے۔
اپنے ٹویٹ میں فواد چوہدری نے کہا کہ فیصلہ کرلیں پاکستان کو آپ پارٹنر کے طور پر چاہتے ہیں یا اپنی حکومت کی ناکامیوں کے لیے قربانی کا بکرا بنانا چاہتے ہیں۔
انہوں نے کہا کہ وقت آگیا ہے کہ آسیبی خیالات چھوڑ کر حقائق تسلیم کریں۔
Trivializing the threat of ISIS is to live in cukoland,the new Afghan interior minister needs a reality check.Decide if you want Pakistan as a partner or as a scapegoat for your own govt’s failures. Mr. Minister!Time to get real and give up phantom thoughts from a paranoid mind
— Ch Fawad Hussain (@fawadchaudhry) December 24, 2018
خیال رہے گزشتہ روز افغان صدر اشرف غنی نے امر اللہ صالح کو افغانستان کا وزیر داخلہ اور اسد اللہ خالد کو وزیر دفاع مقرر کیا ہے۔
امریکی خبر رساں ادارے کے مطابق دونوں نئے وزرا پاکستان کے سخت مخالف ہیں۔ دونوں افغانستان کی انٹیلی جنس سربراہ رہ چکے ہیں اور پاکستان پر الزامات عائد کرتے رہے ہیں۔
تجزیہ نگاروں کے مطابق دونوں وزرا کی تعیناتی کے بعد طالبان کے ساتھ مذاکرات میں امریکا کو مشکلات کا سامنا کرنا پڑ سکتا ہے۔
