اسلام آباد : پی ٹی آئی رہنما فواد چوہدری نے کارکنوں سے میڈیا رپورٹرز اور عملے کو سہولت دینے کی درخواست کردی۔
ان خیالات کا اظہار وفاقی وزیر اور رہنما پاکستان تحریک انصاف فواد چوہدری نے ایک ٹوئٹ کے ذریعے کیا، انہوں نے کہا کہ دنیا نے میڈیا کے ذریعے ہی یہ عظیم جلسہ دیکھنا ہے لہذا پی ٹی آئی ورکرز سے اپیل ہے کہ میڈیا رپورٹرز اور عملے کو سہولت دیں۔
وزیراطلاعات فواد چوہدری کا ٹوئٹ میں کہنا تھا کہ میڈیا چینلز اور ورکرز ہمارے لیے سر آنکھوں پر ہیں اور جمہوریت کا حسن بھی یہ ہے کہ ہم تنقید بھی برداشت کریں۔
میں PTI کے تمام ورکرز سے اپیل کرتا ہوں کہ میڈیا کے کارکنان، رپورٹرز اور عملے کو کام میں سہولت دیں دنیا کو میڈیا کی آنکھ نے ہی یہ عظیم جلسہ دیکھنا ہے اور تمام میڈیا چینلز اور ورکرز ہمارے لئے سر آنکھوں پر ہیں جمہوریت کا حسن یہ بھی ہے کہ ہم تنقید بھی برداشت کریں https://t.co/sDrkvVu1ro
— Ch Fawad Hussain (@fawadchaudhry) March 27, 2022
اس سے قبل ایک اور ٹوئٹ میں رہنما حکراں جماعت نے بتایا تھا کہ اس وقت پاکستان کا تمام میڈیا پریڈ گراؤنڈ میں کوریج کیلئے موجود ہے۔
وفاقی وزیر کا مزید کہنا تھا کہ بین الاقوامی میڈیا کے 43 سے زیادہ نمائندے پریڈ گراؤنڈ جلسے کی کوریج کیلئے ہوں گے۔
