اسلام اباد : تحریک انصاف کے رہنما فواد چوہدری کی اہلیہ حبا فواد نے مشکل وقت میں ساتھ دینے والوں کا شکریہ ادا کیا۔
تفصیلات کے مطابق تحریک انصاف کے رہنما فواد چوہدری کی اہلیہ حبا فواد نے میڈیا سے گفتگو کرتے ہوئے کہا کہ فواد چوہدری کے لئے ساتھ دینے پر تمام لوگوں کی شکرگزارہوں۔
حبا فواد کا کہنا تھا کہ آج فواد چوہدری کولےکرعزت کےساتھ گھرجارہی ہوں، آج ہمیں عدالتوں سے انصاف ملا ہے۔
انھوں نے کہا کہ فواد چوہدری کیخلاف مقدمہ کاچالان جمع ہوانہ فرد جرم عائد ہوئی، عدالت نےانھیں ضمانت دے دی ہے، میں اور میری بیٹیاں فوادکو لینے اڈیالہ جارہےہیں۔
یاد رہے سیشن عدالت نے الیکشن کمیشن کو دھمکیاں دینے کے کیس میں پی ٹی آئی رہنما فواد چوہدری کی ضمانت منظور کرلی۔
جج فیضان گیلانی نے ریمارکس دیے تھے کہ اس شرط پر ضمانت دے رہا ہوں کہ فواد چوہدری یہ گفتگو دوبارہ نہیں کریں گے ، پارلیمنٹیرینز کو ایسے بیانات نہیں دینے چاہئیں، فوادچوہدری کو ایسا بیان نہیں دینا چاہئے تھا۔
