The news is by your side.

Advertisement

دنیا ساتھ دے یا نہ دے ہمیں مودی مائنڈسیٹ سے لڑنا ہے، فواد چوہدری

اسلام آباد : وزیر سائنس اینڈ ٹیکنالوجی فواد چوہدری نے کہا ا اپنی لڑائی خود لڑنی ہوتی ہے، دنیا ساتھ دے یا نہ دے ہمیں مودی مائنڈسیٹ سے لڑنا ہے۔

تفصیلات کے مطابق وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا اپنی لڑائی خود لڑنی ہوتی ہے، تمام پاکستان کو جتنی جلدی یہ بات سمجھ آجائےگی اتنی جلدی ہم سنبھل جائیں گے ، یہ بات طے ہے دنیا ساتھ دے یا نہ دے ہمیں مودی مائنڈسیٹ سے لڑنا ہے۔

اس سے قبل فواد چوہدری نے بھارتی فوج کے پنجابی سپاہیوں سے کشمیریوں پر مظالم کا حصہ نہ بننے کی اپیل ‌‌‌‌کرتے ہوئے کہا تھا کہ مقبوضہ کشمیرمیں ڈیوٹی سے انکار کردیں۔

وفاقی وزیر کا کہنا تھا کہ ظلم کو مسترد کرنے کا کہنا مداخلت ہے؟ انصاف پسند بھارتی مودی سرکار کے فاشزم کو مسترد کردیں، امن بغیر مزاحمت کے ممکن نہیں ہے۔

گذشتہ روز بھارتی وزیراعظم نریندرمودی کی جانب سے عید کی مبارکباد پر وفاقی وزیر فواد چوہدری نے جواب دیتے ہوئے کہا تھا مودی جی آپ کا اور آپ کی حکومت کا ہر اقدام آپ کے عید کےا من کے پیغام کے مخالف ہے، آپ نے لاکھوں لوگوں کی خوشیاں اورامن چھین لیا، خطے کو تباہی کے داہنے میں لاکھڑا کیا۔

فواد چوہدری کا کہنا تھا کہ مودی جی اپنی نفرت انگیزسیاست بند کریں، نفرت انگیز سیاست بند کریں گے تب ہی خطے میں امن قائم ہوسکے گا۔

Comments

comments

یہ بھی پڑھیں