تحریک انصاف کے رہنما فوادچوہدری نے کہا ہے کہ پرویز مشرف کو غدار قرار دینےوالوں کی میڈیا پر شکلیں دیکھیں۔
ٹوئٹر پر جاری بیان میں فوادچوہدری نے لکھا کہ ان کی میڈیا پر شکلیں دیکھیں تو حیرانی ہوتی ہے کہ مشرف میڈیا کی اجازت نہ دیتے تو گاڑیوں میں آنے والے سائیکل افورڈ نہ کر سکتے۔
فوادچوہدری نے کہا کہ ان منافقوں پرجس پر احسان کرو اس کے شر سے بچو کا قول پورا صحیح اترتا ہے۔
پرویز مشرف کو غدار قرار دینے والوں کی میڈیا پر شکلیں دیکھیں تو حیرانگی ہوتی ہے اگر پرویز مشرف میڈیا کی اجازت نہ دیتے یہ لوگ جو آج لمبی لمبی گاڑیوں پر فراٹے بھر رہے ہیں یہ سائیکل بھی افورڈ نہ کر سکتے ان منافقوں پر جس پر احسان کرو اس کے شرُسے بچو کا قول پورا صحیح اترتا ہے
— Ch Fawad Hussain (@fawadchaudhry) June 14, 2022
اس سے قبل ایک اور ٹوئٹ میں فوادچوہدری کا کہنا تھا کہ ملک کا سب سے بڑا صوبہ بدترین سیاسی بحران کا شکار ہے وزیر اعلیٰ کے پاس اکثریت نہیں الیکشن کمیشن، جج صاحبان پتا نہیں صوبے سےکس چیز کا بدلہ لے رہے ہیں؟
انہوں نے کہا کہ جعلی حکومت صوبہ نہیں چلا سکتی حکومتیں برخاست کریں اورنیا انتخاب کروائیں ادارے کتنا عرصہ اور اس غیر آئینی حکومت کو اپنا کندھا دیں گے؟
