پی ٹی آئی رہنما فواد چوہدری نے شہباز گل کی صحت کے حوالے سے ن لیگ کے میڈیا اسٹرٹیجک سیل کو ایک بار پھر تنقید کا نشانہ بنایا ہے۔
پاکستان تحریک انصاف کے رہنما اور سابق وفاقی وزیر فواد چوہدری نے سماجی رابطوں کی ویب سائٹ ٹوئٹر پر اس حوالے سے اپنے ردعمل کا اظہار کیا ہے۔
اے آروائی نیوز براہِ راست دیکھیں live.arynews.tv پر
پی ٹی آئی رہنما نے اپنے ٹوئٹ میں کہا ہے کہ ن لیگ کے میڈیا اسٹرٹیجک سیل میں جیو کے بیشترصحافی دوسری نوکری کرتے ہیں۔
انہوں نے مزید کہا ہے کہ ن لیگ کے میڈیا سیل میں کام کرنے والے ورد کر رہے ہیں کہ شہباز گل کی بیماری معمولی ہے۔ یہی طبقہ دن رات بتاتا تھا کہ نواز شریف کے پلیٹ لیٹس اتنے گر گئے ہیں جتنےمیاں صاحب بھی نہیں گرے۔
فواد چوہدری نے ٹوئٹ میں یہ بھی کہا ہے کہ عوام کو ان بکی ہوئی آوازوں کی اصلیت معلوم ہے۔
نون لیگ کا میڈیا اسٹریٹجک سیل جس میں جیو کے زیادہُ ترُصحافی دوسری نوکری کرتے ہیں ورد کر رہے ہیں شہباز گل کی بیماری معمولی ہے یہی طبقہ دن رات بتاتا تھا کہ نواز شریف کے پلیٹ لیٹس اتنے گر گئے ہیں کہ اتنے میاں صاحب بھی نہیں گرے ہوئے عوام کو ان بکی ہوئ آوازوں کی اصلیت معلوم ہے
— Ch Fawad Hussain (@fawadchaudhry) August 18, 2022