The news is by your side.

’تیل، بجلی کے بعد اب آٹے، دال اور سبزیوں کی قیمتوں میں اضافہ ہورہا ہے‘

پاکستان تحریک انصاف کے رہنما فواد چوہدری نے کہا ہے کہ ملک میں تیل اور بجلی کے بعد اب آٹے، دال اور سبزیوں کی قیمتوں میں اضافہ ہورہا ہے۔

پی ٹی آئی کے مرکزی رہنما اور سابق وفاقی وزیر فواد چوہدری نے سماجی رابطوں کی ویب سائٹ ٹوئٹر پر ملک میں بڑھتی مہنگائی پر اپنے ردعمل کا اظہار کیا ہے۔

فواد چوہدری نے اپنے ٹوئٹ میں کہا ہے کہ آئی ایم ایف سے معاہدے کے بعد توقع تھی کہ روپے کی قدر میں استحکام آئے گا لیکن یہاں یہاں گنگا الٹی بہہ رہی ہے نہ مارکیٹ قابو میں ہے اور نہ روپیہ۔

انہوں نے مزید کہا کہ تیل اور بجلی کے بعد آب آٹے دال اور سبزیوں کی قیمتوں میں بھی اضافہ ہورہا ہے، انہیں عمران خان اور تحریک انصاف کیخلاف کاروائیوں سے فرصت ملے تو ادھر بھی توجہ کریں۔

 

Comments

یہ بھی پڑھیں