پی ٹی آئی رہنما فواد چوہدری نے کہا ہے کہ عمران خان کے تمام نشستوں پر ضمنی الیکشن لڑنے سے حکومت کے ہاتھ پاؤں پھول گئے ہیں۔
پاکستان تحریک انصاف کے رہنما اور سابق وفاقی وزیر نے اتوار 16 اکتوبر کو ملک میں ہونے والے ضمنی انتخابات کے حوالے سے سماجی رابطوں کی ویب سائٹ ٹوئٹر پر اظہار خیال کیا ہے۔
فواد چوہدری نے اپنے ٹوئٹ میں کہا ہے کہ پی ڈی ایم کی عقل کا اندازہ لگائیں پہلے بڑا تیر مارا ہمارے ایم این ایز کے استعفے قبول کرکے اور جب عمران خان نے تمام نشستوں پر الیکشن لڑنے کا اعلان کیا تو ان کے ہاتھ پاؤں ہی پھول گئے ہیں۔
سابق وفاقی وزیر نے مزید کہا کہ حکومت نے 2 بار الیکشن ملتوی کرائے اور اب پولنگ سے 48 گھنٹے قبل پھر ضمنی انتخابات روکنے کے لیے دباؤ ڈالا ہے کہ الیکشن نہ ہونےدو۔
PDM کے فیصلہ سازوں کی عقل کا اندازہ لگائیں پہہلے بڑا تیر مارااستعفیٰ قبول کر کئے، جب عمران خان نے تمام نشستوں پر الیکشن لڑنے کا اعلان کیا ہاتھ پاؤں پھول کئے دو دفعہ الیکشن ملتوی کروائے اور 48 گھنٹے قبل پھر اپنے ذیلی ادارے یعنی الیکشن کمیشن پر دباؤ کہ الیکشن نہ ہونے دو pic.twitter.com/oOKnNTuPwR
— Ch Fawad Hussain (@fawadchaudhry) October 14, 2022
اے آر وائی نیوز کی ڈیجیٹل ڈیسک کی جانب سے شائع کی گئی خبریں