پی ٹی آئی کے مرکزی رہنما اور سابق وفاقی وزیر فواد چوہدری نے حکومت پر تنقید کرتےہوئے کہا ہے کہ پرانا پاکستان بدترین شکل میں لانا انکا ایجنڈا ہے۔
پاکستان تحریک انصاف کے مرکزی رہنما اور سابق وفاقی وزیر فواد چوہدری نے قومی اسمبلی میں مختلف بلز کی منظوری پر حکومت کو تنقید کا نشانہ بنایا ہے۔
فواد چوہدری نے سماجی رابطوں کی ویب سائٹ ٹوئٹر پر اپنے ٹوئٹ میں کہا ہے کہ پرانا پاکستان بدترین شکل میں لانا انکا ایجنڈا ہے اور آج کی پارلیمانی کارروائی پی ڈی ایم کی ترجیحات کی جھلک ہے۔
آج کی پارلیمانی کاروائ PDM میں شامل جماعتوں کی ترجیحات کی جھلک پیش کرتی ہے، اوورسیز پاکستانیوں سے ووٹ کا حق چھین لیا گیا اور اسی سانس میں نیب کے پر کاٹ دئیے گئے،اگر ان کو پاکستان میں بااختیار اقتدار ملا تو یہ اپنی روش نہیں بدلیں گے پرانا پاکستان بدترین شکل میں لانا انکا ایجنڈا ہے
— Ch Fawad Hussain (@fawadchaudhry) May 26, 2022
پی ٹی آئی رہنما نے اپنے ٹوئٹ میں مزید لکھا کہ اوورسیز سے ووٹ کا حق چھین لیا گیا اور نیب کے پر کاٹ دیے گئے، اگران کو پاکستان میں بااختیار اقتدارملا تو یہ اپنی روش نہیں بدلیں گے۔