پی ٹی آئی رہنما فواد چوہدری نے کہا ہے کہ تحریک انصاف کا مقابلہ ن لیگ یا پی پی پی سے نہیں بلکہ آزاد امیدواروں سے ہوگا۔
اے آر وائی نیوز کے مطابق پی ٹی آئی رہنما نے اس حوالے سے سماجی رابطوں کی ویب سائٹ ٹوئٹر پر اظہار خیال کیا ہے۔
فواد چوہدری نے اپنے ٹوئٹ میں لکھا کہ ن لیگ اور پیپلز پارٹی الیکشنوں سے بھاگ رہی ہیں کیونکہ اس کی سیاست ختم ہوچکی ہے۔
سابق وفاقی وزیر کا کہنا تھا کہ وفاقی دارالحکومت اسلام آباد کے بلدیاتی الیکشن میں 101 یونین کونسلز پینل کا انتخاب ہونا ہے۔ ن لیگ صرف 30 حلقوں میں امیدوار دے سکی ہے جب کہ پیپلز پارٹی کا ان انتخابات میں ایک بھی پینل نہیں ہے۔
فواد چوہدری نے کہا کہ اب تحریک انصاف کا مقابلہ ن لیگ یا پی پی پی سے نہیں بلکہ آزاد امیدواروں سے ہوگا۔
نون لیگ اور پیپلز پارٹی الیکشنوں سے بھاگ رہے ہیں کیونکہ ان کی سیاست ختم ہو گئ ہے، اسلام آباد کے بلدیاتی الکشن میں جہاں 101 یونین کونسلز پینل کا انتخاب ہونا ہے نون لیگ صرف 30 حلقوں میں امیدوار دے سکی، پیپلز پارٹی کا ایک بھی پینل نہیں مقابلہ تحریک انصاف اور آزاد امیدواروں میں ہے
— Ch Fawad Hussain (@fawadchaudhry) December 2, 2022
