پاکستان تحریک انصاف کے رہنما وسابق وفاقی وزیر فواد چوہدری نے کارکنوں کو ہدایت کی ہے کہ تمام یوتھ ونگ کے نوجوان اب تیاری پکڑیں۔
پی ٹی آئی رہنما وسابق وفاقی وزیر فواد چوہدری نے سماجی رابطوں کی ویب سائٹ ٹوئٹر پر اپنے ٹوئٹ میں پارٹی کارکنوں کو ہدایت کی ہے کہ تمام یوتھ ونگ کے نوجوان اب تیاری پکڑیں۔
فواد چوہدری نے اپنے ٹوئٹ میں مزید لکھا ہے کہ یوتھ ونگ کے نوجوان آج چاند رات قومی پرچم لے کر نکلیں اور لانگ مارچ کی ابتدا کریں۔
تمام یوتھ ونگ کے نوجوان اب تیاری پکڑیں، آج چاند رات پرچم لے کر نکلیں اور لانگ مارچ کی ابتداءً کریں #امپورٹڈ_حکومت_نامنظور https://t.co/5ujuldzpCr
— Ch Fawad Hussain (@fawadchaudhry) May 2, 2022
واضح رہے کہ اس سے قبل پی ٹی آئی چیئرمین اور سابق وزیراعظم عمران خان کارکنوں کو چاند رات پر قومی پرچم لے کر سڑکوں پر نکلنے کی کہا تھا۔
عمران خان نے مئی کے آخری ہفتے میں اسلام آباد لانگ مارچ کا اعلان بھی کررکھا ہے۔
سابق وزیراعظم نے کہا تھا کہ سارے پاکستان کو پیغام ہے کہ تمام لوگ ابھی سے تیاری کریں، عوام کا سمندر اسلام آباد میں جمع ہوگا، ہماری تیاری کا آغاز چاند رات سے ہوگا، نوجوانوں سے کہتا ہوں کہ چاند رات کو جھنڈے لے کر نکلیں۔
مزید پڑھیں: عمران خان کا مئی کے آخری ہفتے میں لانگ مارچ کا اعلان
انہوں نے کہا تھا کہ ساری دنیا کو بتانا ہے کہ ہم ایک زندہ قوم ہیں، لانگ مارچ کی کال صرف پی ٹی آئی نہیں تمام پاکستانیوں کے لیے ہے، اسلام آباد میں پاکستان کی تاریخ کا سب سے بڑا مجمع ہوگا۔
