The news is by your side.

Advertisement

فواد چوہدری کا مغربی ممالک میں اسلاموفوبیا کے بڑھتے واقعات پر اظہارِ تشویش

اسلام آباد : وفاقی وزیر اطلاعات فواد چوہدری نے مغربی ممالک میں میں اسلاموفوبیا کے بڑھتے واقعات پر اظہار تشویش کرتے ہوئے کہا امید کرتے ہیں ایسے واقعات کے روک تھام کیلئے موثراقدامات اٹھائے جائیں گے۔

تفصیلات کے مطابق مغربی ممالک میں اسلاموفوبیا کے واقعات میں اضافہ ہوتا جارہا ہے ، اس حوالے سے وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر اپنے پیغام میں کہا کہ کینیڈا میں چند ہفتے قبل ایک پاکستانی فیملی کو نسل پرستانہ حملےمیں شہیدکیا گیا اب دوبارہ کینیڈا کے شہر سسکٹون میں ایک اور شہری کاشف پرانتہاپسندوں نے خنجروں سے حملہ کیا ہے، مغربی معاشرے میں اسلاموفوبیا کے بڑھتے واقعات پر تشویش ہے، امید کرتے ہیں ایسےواقعات کے روک تھام کیلئےموثراقدامات اٹھائے جائیں گے۔

یاد رہے کینیڈا کے شہر سسکٹون میں دو چاقو بردار افراد نے حملہ کرکے پاکستانی نژاد کاشف کو شدید زخمی کردیا تھا، اور اس کی داڑھی بھی کاٹ دی تھی ، جس پر شہر کے میئر نے واقعہ پر شدید غم و غصے کا اظہار کیا اورانصاف فراہم کرنے کی یقینی دہانی کرائی

سسکاٹون کے میئر کا کہنا تھا کہ واقعے پر صدمے میں ہیں، نسل پرستی، اسلاموفوبیا یا کسی بھی قسم کے امتیازی سلوک کے خلاف تحقیقات اور ذمہ داروں کو کٹہرے میں لانے کی ضرورت ہے۔

Remarks: مغربی ممالک میں اسلاموفوبیا کےواقعات میں اضافہ مغربی معاشرےمیں اسلاموفوبیابڑھنےپرتشویش ہے،فوادچوہدری امیدہےروک تھام کیلئےموثراقدامات اٹھائےجائیں گے،فوادچوہدری کینیڈامیں چاقوبرداروں کاحملہ،پاکستانی نژادکاشف شدیدزخمی کینیڈین حکام کی انصاف کی فراہمی کی یقین دہا

Comments

یہ بھی پڑھیں