نیب میں تبادلے: فواد حسن فواد کے قریبی رشتہ دار باہر کا راستہ دکھا دیا گیا Fawad
The news is by your side.

Advertisement

نیب میں تبادلے: فواد حسن فواد کے قریبی رشتہ دار کو باہر کا راستہ دکھا دیا گیا

اسلام آباد: فواد حسن فواد کے قریبی رشتہ دار ناصر اقبال کو قومی احتساب بیورو سے باہرباہر کا راستہ دکھا دیا گیا.

تفصیلات کے مطابق قومی احتساب بیورو  (نیب) میں بڑے پیمانے پر تبادلے ہوئے ہیں، نیب سے منسلک ناصراقبال کی خدمات اب اسٹیبلشمنٹ ڈویژن کے حوالے کر دی گئی ہیں.

 ڈی جی نیب بلوچستان اور  ڈی جی نیب  کراچی کا تبادلہ کر دیا گیا ہے. گریڈ 22 کےافسرعابد جاوید  اب ڈی جی نیب بلوچستان، جب کہ بریگیڈیئر(ر) فاروق ناصراعوان نئے ڈی جی نیب کراچی ہوں گے.


مزید پڑھیں: آشیانہ اقبال اسکینڈل: احد چیمہ اور فواد حسن فواد نے تمام ملبہ شہباز شریف پر ڈال دیا


ڈی جی نیب کراچی الطاف بھوانی کو بھی ہیڈ کوارٹرزرپورٹ کرنے کی ہدایت کی گئی ہے، جب کہ ڈائریکٹر مرزاعرفان بیگ کو ڈائریکٹر نیب سکھر تعینات کیا گیا ہے.

ڈائریکٹرفیاض قریشی، اے ڈی نیب لاہورغلام صفدرکو ہیڈ کوارٹرز رپورٹ کرنے کی ہدایت کی گئی ہے۔

نیب افسران کے تبادلوں کا نوٹی فکیشن جاری کردیا گیا ہے، جن کے مطابق فواد حسن فواد کے قریبی رشتہ دارناصراقبال کو نیب سے نکال دیا گیا ہے.

یاد رہے کہ  آشیانہ اقبال اسکینڈل کیس میں گرفتار احد چیمہ اور فواد حسن فواد نے تمام ملبہ شہباز شریف پر ڈال دیا ہے۔ ذرائع کے مطابق فواد حسن فواد وعدہ معاف گواہ بن گئے انہوں نے کہا کہ جو کچھ کیا شہباز شریف کے کہنے پر کیا۔

Comments

comments

یہ بھی پڑھیں