site
stats
انٹرٹینمںٹ

فواد خان کی ہالی ووڈ میں انٹری کی تیاری

کراچی : بالی ووڈ اور شوبز انڈسٹری میں کامیابیوں کے جھنڈے گاڑنے والے پاکستانی اداکار فواد خان اب ہالی ووڈ میں انٹری کی تیاری کر رہے ہیں۔

فواد خان کی خوبصورت اور پرکشش شخصیت کے پاکستان اور بھارت میں چرچے ہے ، پاکستانی فلم انڈسٹری اور بالی وڈ میں اپنی صلاحیتوں کا لوہا منوانے کے بعد اداکار فواد خان کی ہالی ووڈ میں انٹری کی خبریں زیر گردش ہیں، فواد خان اب ہالی ووڈ میں بھی اداکاری کے جوہر دکھائیں گے۔

بھارت کے مشہور شوبز صحافی راجیو مسند نے اپنے ایک کالم میں لکھا کہ اب فواد خان اب ہالی وڈ میں قدم رکھنے کیلئے سرگرم ہیں ، جس کے لئے انھوں نے تیاری بھی شروع کردی ہے۔

راجیو مسند کا کہنا ہے کہ ممبئی میں فواد خان کے دوست اور سابق ساتھیوں نے بھی اس بات کا اعتراف کیا ہے کہ وہ ہالی ووڈ میں کام کیلئے مواقع تلاش کررہے ہیں اور اس سلسلے میں ہالی وود میں موجود اپنے ایجنٹ کے ذریعے معلومات حاصل کیں ہیں اور ایک اسکرپٹ پڑھنے میں مصروف ہیں۔

بھارتی صحافی ے مزید لکھا کہ فواد خان کے دوستوں کے مطابق انہیں پاکستانی ڈرامہ سیریل کرنا پسند ہے لیکن فی الحال وہ اپنے نئے پروجیکٹ کے لئے لاس اینجلس جارہے ہیں۔

فواد خان نے اپنے بالی ووڈ کیریئر کا آغاز اداکارہ سونم کپور کے ساتھ ’خوبصورت‘ فلم سے کیا تھا، بعد ازاں انہوں نے متنازعہ ترین فلم ’اے دل ہے مشکل‘ اور کپور اینڈ سنز میں بھی کام کیا، جس میں ان کے ساتھ ایشوریا رائے، انوشکا شرما اور رنبیر کپور جلوہ گر تھے۔

فواد خان کی اداکاری کو تمام ہی فلموں میں سراہا اور انہیں فلم فیئرایوارڈ سے بھی نوازا گیا ۔

خیال رہے فواد خان  ان دنوں اپنی آنے والی فلم ’مولا جٹ 2‘ کی شوٹنگ میں مصروف ہیں۔

یاد رہے کہ چند ماہ قبل پاکستان کے باصلاحیت اداکار فواد خان کو دنیا کی 100 پرکشش شخصیات میں بھی شامل کیا گیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top