The news is by your side.

Advertisement

پی ٹی آئی کا مطالبہ نظر انداز کرکے سیاسی عدم استحکام پیدا کیا جارہا ہے: فواد چوہدری

اسلام آباد: پاکستان تحریک انصاف کے ترجمان فواد چوہدری نے کہا ہے کہ پی ٹی آئی کا مطالبہ نظر انداز کر کے ملک میں سیاسی عدم استحکام پیدا کیا جارہا ہے، بروقت انتخابات خطے کے لیے اہمیت کے حامل ہیں۔

ان خیالات کا اظہار انہوں نے میڈیا سے گفتگو کرتے ہوئے کیا، فواد چواہدری نے عدالتی مارشل لا سے متعلق چیف جسٹس کے بیان کا خیر مقدم کرتے ہوئے کہا کہ چیف جسٹس کا بیان آئین کی بالادستی کا آئینہ دار ہے اور اداروں کا آئین وجمہوریت پر غیر متزلزل اعتماد خوش آئند ہے۔

رہنما پی ٹی آئی کا کہنا تھا کہ پاکستان کو درپیش چیلنجز کی بنیاد کا مقصد انتخابات کا التوا ہے۔ پی ٹی آئی تسلسل سے قبل ازوقت الیکشن کا مطالبہ کرتی آئی ہے، تحریک انصاف کا مطالبہ نظر انداز کرکے سیاسی عدم استحکام پیدا کیا جارہا ہے، صاف شفاف انتخابات وقت کی اہم ضرورت ہیں۔

ہمارے ووٹوں‌ سے سینٹر بننے والے سراج الحق الزام لگانے سے پہلے سینیٹر شپ چھوڑیں: فواد چوہدری

ان کا مزید کہنا تھا کہ شریف خاندان نے ملک کا بیڑا غرق کر دیا، آج جو حال ملک کا ہے اس سے پہلے کبھی نہ تھا، ملک کو بحرانی کیفیت سے نکالنے کے لیے وقت پر انتخابات کرانا ہوں گے۔

نواز شریف جمہوریت کو اقتدا اور جائیداد کے لیے استعمال کرتے ہیں: فواد چوہدری

خیال رہے کہ گذشتہ دنوں میڈیا سے بات چیت کرتے ہوئے فواد چوہدری نے کہا تھا کہ نواز شریف 1985 کے بعد منتخب حکومتوں کے خلاف سازشوں کا مہرہ رہے ہیں، ان کی مرضی کے مطابق فیصلے نہ ہوں تو جمہویت کے خلاف سازش کہتے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں