لاہور: وزیر اطلاعات پنجاب فیاض الحسن چوہان نے کہا ہے کہ عمران خان کو اناڑی کہنے والوں کے اپنے باپ اور تایا عدالتوں کے چکر لگا رہے ہیں.
اُن خیالات کا اظہار انھوں نے میڈیا سے گفتگو کرتے ہوئے کیا۔ ان کا کہنا تھا کہ نواز شریف، شہباز شریف اور خود حمزہ جیل، حوالات اور عدالت کےچکرلگا رہے ہیں، اس پرکہتےہیں عمران خان صاحب اناڑی ہیں.
[bs-quote quote=”حمزہ شہباز خاندان کے افراد کی جائیداد کا حساب دیں اور اسے جذبےسے دیں، جس سے لوٹ مار کی” style=”style-7″ align=”left” author_name=”فیاض الحسن چوہان”][/bs-quote]
فیاض الحسن چوہان نے کہا کہ احتساب کے میدان میں عمران خان جیسا کھلاڑی کوئی نہیں، 165 کھرب لوٹنے والوں کی 165 پیشیاں اہمیت نہیں رکھتیں، ملک کو احسن انداز سے درست سمت پر لگا دیا ہے.
انھوں نے مزید کہا کہ حمزہ شہباز خاندان کے افراد کی جائیداد کا حساب دیں اور اسے جذبےسے دیں، جس سے لوٹ مار کی.
فیاض الحسن چوہان نے کہا کہ احتساب سب کا ہورہا ہے، پیپلزپارٹی کے رہنما بھی پیشیاں بھگت رہے ہیں، ہم ن لیگی نہیں پی ٹی آئی والے ہیں، ہر عدالتی فیصلہ قبول کریں گے.
مزید پڑھیں: نواز شریف نے شہباز شریف کو مشورہ دیا ہے کہ آصف زرداری سے بچ کر رہیں: فیاض چوہان
ان کا کہنا تھا کہ اگر فیصلے خلاف آئے، تو عدالت کے فیصلوں پر ن لیگ کی طرح دھمکیاں نہیں دیتے، پانچوں انگلیاں گھی میں اورسرکڑاہی میں دے کر لوٹ مارکی جارہی تھی، ملک کے یہ حالات سابق حکمرانوں کی وجہ سے ہی ہیں.
فیاض الحسن چوہان کا کہنا تھا کہ حساب کتاب کی باری پرانہیں اصول یاد آرہے ہیں، بھٹو کی طرح ان کی جانب سے بھی کہا گیا تھا کہ ہماری کرسی بہت مضبوط ہے.
