ن لیگیوں کی لگائی گرہیں موجودہ حکومت کودانتوں سےکھولنی پڑ رہی ہیں ،فیاض الحسن
The news is by your side.

Advertisement

ن لیگیوں کی لگائی گرہیں موجودہ حکومت کودانتوں سےکھولنی پڑ رہی ہیں ،فیاض الحسن

لاہور : وزیراطلاعات پنجاب فیاض الحسن چوہان کا کہنا ہے کہ ن لیگیوں کی لگائی گرہیں موجودہ حکومت کو دانتوں سے کھولنی پڑ رہی ہیں، آل شریف نے کرپشن، منی لانڈرنگ کے قطب مینارعوام کو تحفے میں دیے۔

تفصیلات کے مطابق آصف کرمانی اوردیگرلیگی رہنماؤں کےبیان پر وزیراطلاعات پنجاب فیاض الحسن چوہان نے ردعمل دیتے ہوئے کہا ن لیگ کرپشن سے عوام کی توجہ ہٹانے کی کوشش کررہی ہے، ن لیگیوں کی لگائی گرہیں موجودہ حکومت کو دانتوں سے کھولنی پڑ رہی ہیں۔

فیاض الحسن چوہان کا کہنا تھا کہ پاور سیکٹر میں 1250 ارب، گیس میں 154 ارب عوام پر مسلط کیا گیا، ریلوے میں35 ارب کا خسارہ ن لیگ کی حکومت نے مسلط کیا۔

وزیراطلاعات پنجاب نے کہا آل شریف نے کرپشن، منی لانڈرنگ کے قطب مینار عوام کو تحفے میں دیے، نیب خود مختار ادارہ ہے اور اس کا کام ہی کرپٹ عناصر کو پکڑنا ہے۔

مزید پڑھیں : حکومت کو پیدا ہوئے ڈیڑھ ماہ ہوا ہے، ہر چیزمہنگی کردی، ،آصف کرمانی

یاد رہے مسلم لیگ ن کے رہنما آصف کرمانی نے بات چیت کرتے ہوئے کہا تھا کہ ہم ہمیشہ سے عدلیہ کا احترام کرتے آئے ہیں، نوازشریف،مریم نوازکوجیل بھیج کرالیکشن چوری کیا گیا۔

آصف کرمانی کا کہنا تھا کہ عمران خان اور نیب میں کوئی فرق نہیں، جوعمران خان کہتےہیں وہ ہوجاتاہے، گرفتاریاں کرکےاپنا شوق پورا کرلیں۔

رہنما ن لیگ نے کہا تھا عوام سب دیکھ رہے ہیں حکومت کو پیدا ہوئے ڈیڑھ ماہ ہوا ہے اور ضروریات زندگی کی اشیاءمہنگی کردی، نوازحکومت نےغریبوں کے استعمال کی اشیا مہنگی نہیں کیں۔

ان کا مزید کہنا تھا کہ عمران خان اپنے دائیں بائیں موجودنیب زدہ لوگوں کیخلاف پہلے کارروائی کریں۔

Comments

comments

یہ بھی پڑھیں