The news is by your side.

Advertisement

نواز شریف نے شہباز شریف کو مشورہ دیا ہے کہ آصف زرداری سے بچ کر رہیں: فیاض چوہان

لاہور: وزیر اطلاعات پنجاب فیاض‌ الحسن چوہان نے دعویٰ کیا ہے کہ نواز شریف نے شہباز شریف کو مشورہ دیا ہے کہ آصف زرداری سے بچ کر رہیں.

ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ نوازشریف نےشہبازشریف کے کان میں کہا ہے کہ زرداری نے پہلے بھی ہمیں‌نقصان پہنچایا.

فیاض‌الحسن چوہان نے کہا کہ پنجاب حکومت نے 100 دن کی کارکردگی پیش کی، تو سب کی آنکھیں کھل گئیں، ورنہ شہازشریف 1200 ارب روپے کا مقروض صوبہ ہمیں دے کر گئے تھے. یہ 10 سال پنجاب کے خزانے لوٹتے رہے.

وزیر اطلاعات پنجاب ہے کہ کرپشن کی دم پرنیب نے پاؤں رکھا ہے، تو یہ سب ہاتھوں میں ہاتھ ڈال کر گھوم رہے ہیں، ایک ہوگئے ہیں، یہ کتنا ہی شور کر لیں، احتساب ضرور ہوگا.


مزید پڑھیں: عمران خان کا مقصد تمام مسلم ممالک سے برادرانہ تعلقات کا فروغ ہے، فیاض چوہان


فیاض الحسن چوہان نے دعویٰ‌کیا کہ حمزہ شہباز شریف پنجاب اسمبلی میں ایم پی ایزکو اشارے سے کہتے ہیں کہ مخالفین پر حملہ کرو، حالاں کہ یہ اس دن پتلی گلی سے بیرون ملک بھاگنے والے تھے.

انھوں نے خواجہ سعد رفیق پر طنز کرتے ہوئے کہا کہ لوہے کے چنے، چکن چھولے بن گئے، کرپٹ اور بددیانت آدمی کبھی ریاست کو آنکھیں نہیں دکھا سکتا، چھولے والی سرکار کی پہلےدن ہی چیخیں نکل گئیں کہ آملیٹ نہیں ملا.

فیاض الحسن چوہان کا کہنا تھا کہ سعدرفیق، آپ کرپشن کے کیس میں بند ہیں، سال گرہ منانے نہیں آئے.

Comments

comments

یہ بھی پڑھیں