حکومت پبلک اکاؤنٹس کمیٹی کی چیئرمین شپ اپوزیشن کونہیں دے گی‘ فیاض الحسن چوہان -
The news is by your side.

Advertisement

حکومت پبلک اکاؤنٹس کمیٹی کی چیئرمین شپ اپوزیشن کونہیں دے گی‘ فیاض الحسن چوہان

لاہور: وزیراطلاعات پنجاب فیاض الحسن چوہان کا کہنا ہے کہ حکومت پبلک اکاؤنٹس کمیٹی کی چیئرمین شپ اپوزیشن کو دے کر کرپشن چھپانے کی اجازت نہیں دے گی۔

تفصیلات کے مطابق میڈیا سے گفتگو کرتے ہوئے وزیراطلاعات پنجاب فیاض الحسن چوہان نے کہا کہ حکومت پبلک اکاؤنٹس کمیٹی کی چیئرمین شپ اپوزیشن کونہیں دے گی۔

فیاض الحق چوہان کا کہنا تھا کہ یہ ممکن نہیں ہے کہ تحریک انصاف کی حکومت سابق حکومت کی جانب سے کی جانے والی کرپشن کی تحقیقات نہ کرے۔

پبلک اکاؤنٹس کمیٹی کا چیئرمین اپوزیشن لیڈرہی کو ہونا چاہیے‘ بلاول بھٹو

یاد رہے کہ تین روز قبل چیئرمین پیپلزپارٹی بلاول بھٹو زرداری کا کہنا تھا کہ پبلک اکاؤنٹس کمیٹی کی چیئرمین شپ اپوزیشن کو ملنی چاہیے۔

چیئرمین پیپلزپارٹی کا کہنا تھا کہ پبلک اکاؤئنٹس کمیٹی کا چیئرمین اپوزیشن لیڈرشہبازشریف ہی کو ہونا چاہیے، یہی طریقہ کار ہے۔

فواد چوہدری کا پھر شہباز شریف کو پبلک اکاؤنٹس کمیٹی کا چیئرمین بنانے پر اعتراض

یاد رہے کہ گزشتہ ہفتے وفاقی وزیرِ اطلاعات فواد چوہدری نے شہباز شریف کو پی اے سی کا چیئرمین بنانے پراعتراض کرتے ہوئے کہا تھا کہ نواز شریف کے منصوبوں کی تحقیقات وہ کیسے کریں گے۔

Comments

comments

یہ بھی پڑھیں