The news is by your side.

Advertisement

اگلے 3 سے 4 ہفتے کرونا وائرس کے حوالے سے اہم ہیں: فیاض چوہان

لاہور: صوبائی وزیر اطلاعات فیاض الحسن چوہان کا کہنا ہے کہ اگلے 3 سے 4 ہفتے کرونا کے حوالے سے اہم ہیں، ٹارگٹڈ لاک ڈاؤن سے کرونا کا مقابلہ کیا جا رہا ہے۔

تفصیلات کے مطابق صوبہ پنجاب کے وزیر اطلاعات فیاض الحسن چوہان نے مسیحی بھائیوں کو ایسٹر کی مبارکباد دیتے ہوئے کہا کہ مسیحی برادری سماجی دوری رکھتے ہوئے ایسٹر کی خوشیاں منائے۔

فیاض چوہان کا کہنا تھا کہ کرونا سے اپنے پیاروں کو بچانا ہر فرد کی ذمہ داری ہے، بزدار حکومت حالات کو دیکھتے ہوئے انتظامی فیصلے کر رہی ہے، وزیر اعظم کی ہدایات کے مطابق کلسٹر لاک ڈاؤن پالیسی پر عمل ہو رہا ہے۔

انہوں نے کہا کہ اب تک پنجاب میں 216 ہاٹ اسپاٹ ایریاز کو سیل کیا گیا، گوجرانوالہ اور گجرات میں پہلے سے سیل 4 ایریاز کو ڈی سیل کیا جا چکا ہے، ڈی سیل کیے گئے علاقوں کے تمام مریض صحتیاب ہوچکے ہیں۔

فیاض چوہان کا کہنا تھا کہ ٹارگٹڈ لاک ڈاؤن سے کرونا کا مقابلہ کیا جا رہا ہے، عوام سے گزارش ہے اپنے گھروں تک محدود رہیں۔ آئندہ 3 سے 4 ہفتے کرونا کے حوالے سے اہم ہیں۔

Comments

یہ بھی پڑھیں