The news is by your side.

Advertisement

شہبازشریف خادم اعلیٰ نہیں بلکہ بزدل اعلیٰ ہیں، فیاض چوہان

لاہور : وزیراطلاعات پنجاب فیاض الحسن چوہان نے کہا ہے کہ ثابت ہوگیا کہ شہبازشریف خادم اعلیٰ نہیں بلکہ بزدل اعلیٰ ہیں، جب سے پاکستان آئے ہیں ایک کمرے میں قید ہیں۔

تفصیلات کے مطابق اپوزیشن لیڈر شہبازشریف کے قومی اسمبلی کے اجلاس میں نہ جانے کا معاملے پر پنجاب کے وزیراطلاعات فیاض الحسن چوہان کا ردعمل بھی سامنے آگیا، ان کا کہنا ہے کہ شہباز شریف نے ثابت کردیا کہ وہ خادم اعلیٰ نہیں بلکہ بزدل اعلیٰ ہیں۔

یہ بات وزیراطلاعات پنجاب نے لاہور میں میڈیا سے گفتگو کرتے ہوئے کہی، انہوں نے کہا کہ شہبازشریف کورونا وائرس سے لڑنے کا نعرہ لگا کر برطانیہ سے واپس پاکستان آئے، اب عالم یہ ہے جس دن سے وہ پاکستان آئے ہیں ایک کمرے میں قید ہیں۔

انہوں نے کہا کہ شہباز شریف سے زیادہ بزدل شخص میں نے آج تک نہیں دیکھا، شہبازشریف میں اپنے کمرے سے باہر نکلنے کی جرات بھی نہیں، بزدل اعلیٰ اپنے اندر جرات پیدا کریں اور کورونا کےخلاف میدان عمل میں آئیں۔

انہوں نے کہا کہ شہبازشریف کی لندن سے واپسی کا ملک و قوم کو کوئی فائدہ نہیں ہوا، شہبازشریف میں اپنے کمرے سے باہر نکلنے کی جرات بھی نہیں۔

فیاض چوہان کا کہنا تھا کہ بزدلی کا اندازہ اس بات سے لگایا جاسکتا ہے کہ اپوزیشن کے اجلاس کا مطالبہ تھا اپوزیشن لیڈر نے ہی چھٹی لے لی، کسی بزدل شخص کو حکمرانی یا کسی سیاسی جماعت کی قیاد ت کا کوئی حق نہیں، شہباز شریف نے ثابت کردیا وہ خادم اعلیٰ نہیں بزدل اعلیٰ ہیں۔

Comments

یہ بھی پڑھیں