نواز شریف کی طبیعت ٹھیک ہے، نیت خراب ہے: فیاض الحسن چوہان -
The news is by your side.

Advertisement

نواز شریف کی طبیعت ٹھیک ہے، نیت خراب ہے: فیاض الحسن چوہان

لاہور: پنجاب کے وزیر اطلاعات فیاض الحسن چوہان کا کہنا ہے کہ نواز شریف ٹھیک ہیں صرف پتھری ہے۔ میں سمجھتا ہوں نواز شریف کی طبیعت ٹھیک ہے نیت خراب ہے۔

تفصیلات کے مطابق پنجاب کے وزیر اطلاعات فیاض الحسن چوہان نے میڈیا سے گفتگو کرتے ہوئے کہا کہ نواز شریف کو مکمل پروٹوکول میں رکھا گیا ہے، ملاقات کے دن کے علاوہ بھی نواز شریف سے آل شریف ملتے رہے۔

فیاض الحسن چوہان نے کہا کہ پہلے میڈیکل بورڈ نے رپورٹس پیش کیں، دوسرے پر مطمئن نہیں۔ چیلنج کرتا ہوں گزشتہ 6 ماہ کا ریکارڈ نکال لیں اگر میں نے ایک بھی گالی دی ہو یا کسی کی فیملی یا ذاتی زندگی پر بات کی ہو۔

انہوں نے کہا کہ رانا ثنا اللہ کا صرف ایک ماہ کا ریکارڈ نکال کر چیک کرلیں کتنی گالیاں دیں، رانا ثنا اللہ نے گزشتہ روز بھی شیخ رشید صاحب کو گالی دی تھی۔ گالیاں یہ لوگ دیتے ہیں اور تنقید ہم پر کرتے ہیں۔ پہلے آپ ان لوگوں کا ریکارڈ چیک کریں پھر ہم پر تنقید کریں۔

صوبائی وزیر اطلاعات کا کہنا تھا کہ رپورٹ سامنے آرہی ہے نواز شریف ٹھیک ہیں صرف پتھری ہے، رپورٹ میں کہا گیا نواز شریف کو ہارٹ اٹیک ماضی میں نہیں ہوا۔ میں سمجھتا ہوں نواز شریف کی طبیعت ٹھیک ہے نیت خراب ہے۔

انہوں نے کہا کہ نواز شریف کو جیل میں اور اب اسپتال میں بھی پروٹوکول میں رکھا گیا ہے، آخری بورڈ نے بتایا نواز شریف کے صرف گردے میں پتھری ہے۔ نواز شریف کی طبیعت سے متعلق ایشو نیب کا ہے اور کچھ نہیں۔

فیاض الحسن کا کہنا تھا کہ حیران ہوں احسن اقبال پڑھے لکھیں جاہل ہیں، جیل سے پیغامات آئے ہیں نواز شریف کو پروٹوکول دیا تو ہمیں بھی دو۔ ن لیگ اور پیپلز پارٹی بانہوں میں بانہیں ڈال کر اسمبلی آرہے ہیں۔

Comments

comments

یہ بھی پڑھیں