The news is by your side.

Advertisement

ملک کو لوٹنے والوں کوجیل میں جھاڑو بھی لگانی پڑے گی اورچکی بھی پیسنی پڑے گی، فیاض الحسن چوہان

عمران خان پاکستان کامستقبل سنوارنے کیلئےدن رات محنت کررہےہیں

لاہور : وزیراطلاعات پنجاب فیاض الحسن چوہان کا کہنا ہے کہ کرپشن نےملک کی بنیادیں کھوکھلی کردی ہیں، لوٹی دولت سب سے برآمدکی جائےگی ، اب ملک کو لوٹنے والوں کوجیل میں جھاڑو بھی لگانی پڑے گی اورچکی بھی پیسنی پڑے گی، نوا زشریف، زرداری کےبعدمولانافضل الرحمن، اسفند یار ولی اور اچکزئی کا نمبر ہے۔

تفصیلات کے مطابق وزیراطلاعات پنجاب فیاض الحسن چوہان نے میڈیا سے گفتگو کرتے ہوئے کہا گزشتہ روزصحافیوں کےجذبات مجروح ہوئےاس پرمعذرت کرتا ہوں، اسمبلی میں بھی دو مرتبہ معذرت کی آج دوبارہ معذرت کرتاہوں۔

فیاض الحسن چوہان کا کہنا تھا کہ حمزہ شہبازمعلوم نہیں کہ کہاں سےاعدادشمارلےآئےتھے، حمزہ شہبازنےکہاہمارے دور میں ڈالر یہ اور معیشت وہ تھی،ن لیگ دورمیں صورتحال مصنوعی تھی جس کاخمیازہ عوام بھگت رہے ہیں۔

عمران خان پاکستان کامستقبل سنوارنےکیلئےدن رات محنت کررہےہیں

وزیراطلاعات پنجاب

وزیراطلاعات پنجاب نے کہا کرپشن نےملک کی بنیادیں کھوکھلی کردی ہیں ، سپریم کورٹ نےحمزہ شہباز کے چچا کو چور اور ڈاکو قرار دیاہے اور نواز شریف کے خلاف عدالت نے فیصلہ اس میں میرا کیا قصور ہے، عمران خان پاکستان کامستقبل سنوارنے کے لئے دن رات محنت کررہے ہیں۔

ان کا کہنا تھا کہ دوست ممالک بھی پاکستان کی نئی قیادت پراعتمادکررہی ہے، میاں منشا  نوازشریف کی فیملی اوروزرا کی فوج قطر لے جاتے تھے، سعودی عرب اور ترکی کے دوروں پر  حکومتی فوج جایا کرتی تھی، آج سعودی عرب اورترکی کی حکومتیں حیران ہیں، وہ دیکھتے ہیں پاکستان کی نئی قیادت 6 افراد کے ساتھ دورے پر آئی۔

فیاض الحسن چوہان نے کہا آج کی نئی قیادت ملیحہ لودھی کوپیچھےبٹھاکر اپنے تعلقات نہیں بناتی، عمران خان کی قیادت میں پاکستان اورپنجاب ترقی ضرور کرے گا، ساڑھے  4 ماہ میں  6 ممالک پاکستان کیلئے فرنٹ فٹ پر آئے،  ابوظہبی کے ولی عہد12 سال بعد پاکستان کے دورے پر آئے۔

صوبائی وزیر اطلاعات کا کہنا تھا کہ نوازشریف سمجھتے تھےترکی والےان کےرشتےدارہیں، ترکی اورچین سمیت تمام ممالک نےپاکستان کی نئی قیادت پرا  عتمادکیا، اہمیت شخصی تعلقات یاکاروبارنہیں اہمیت ریاست رکھتی ہے۔

انھوں نے کہا نئی قیادت منی لانڈرنگ کےذریعےملک سےپیسہ نہیں لےجائےگی، نئی قیادت پاکستانی عوام کاپیسہ عوام پرہی خرچ کرےگی، سپریم کورٹ نے انہیں چور اور ڈاکو قرار دیا ہے، ہم نےکچھ نہیں کہا، ان کو ڈراؤنے خواب فیاض الحسن چوہان کی صورت میں آتے ہیں۔

Comments

comments

یہ بھی پڑھیں