The news is by your side.

Advertisement

ن لیگ اور پیپلز پارٹی کی وجہ سے ملک مشکل دور سے گزر رہا ہے: فیاض الحسن چوہان

لاہور: صوبائی وزیر فیاض الحسن چوہان کا کہنا ہے کہ ماضی میں (ن) لیگ اور پیپلز پارٹی کی خراب معاشی پالیسیوں کی بدولت ملک مشکل دور سے گزر رہا ہے۔

تفصیلات کے مطابق اپوزیشن جماعتوں کی طرف سے مولانا فضل الرحمان کے آزادی مارچ میں شرکت کے اعلان اور پریس کانفرنس کے جواب میں صوبائی وزیر فیاض الحسن چوہان نے کہا کہ دورہ امریکہ کے بعد عمران خان کی تعریف سابق بھارتی جج جسٹس کانجو سے لے کر سابق سفارتکار اور بیوروکریٹ بھی کر رہے ہیں۔

ان کا کہنا تھا کہ دشمن ملک بھی اعتراف کر رہا ہے کہ عمران خان نے اقوامِ متحدہ میں میلہ لوٹ لیا۔ صوبائی وزیرِ کالونیز نے کہا کہ آل پاکستان لوٹ مار ایسوسی ایشن کے بیانات قابلِ مذمت ہیں۔

انہوں نے کہا کہ ماضی میں ن لیگ اور پیپلز پارٹی کی خراب معاشی پالیسیوں کی بدولت ملک آج اس حالت تک پہنچا ہے، عمران خان نے نہ صرف پاکستان بلکہ پوری امت مسلمہ اور کشمیر کا مقدمہ کامیابی سے لڑا ہے۔

کل عوام نے یوم تشکر اور لوٹ مار ایسوسی ایشن نے یوم سیاہ منایا: فیاض چوہان

فیاض الحسن چوہان نے زور دیتے ہو ئے کہا کہ موچی گیٹ، لاڑکانہ میں بڑے بڑے جلسے کرنے والی پارٹیاں آج اس مقام پر آپہنچی ہیں کہ انہیں جمعیت علمائے اسلام (ایف) جیسی علاقائی جماعت کا سہارا لینا پڑ رہا ہے۔

انہوں نے امید ظاہر کی کہ عمران خان کی قیادت میں پاکستان جلد معاشی استحکام حاصل کرے گا۔

Comments

comments

یہ بھی پڑھیں