The news is by your side.

Advertisement

امریکیوں کی عقل پرپردے پڑ چکے ہیں، مولانا فضل الرحمان

لاہور : جمعیت علماء اسلام ف کے سربراہ مولانا فضل الرحمان نے کہا ہے کہ امریکیوں کے عقل پر پردے پڑ چکے ہیں، بیت المقدس کے معاملے اور ٹرمپ کی پالیسی پر دنیا بھڑک اٹھی ہے۔

ان خیالات کااظہار انہوں نے لاہور میں قومی سیرت مصطفیٰ کانفرنس سے خطاب کرتے ہوئے کیا، مولانا فضل الرحمان کا کہنا تھا کہ بیت المقدس کے معاملے پرامریکیوں کے عقل پر پردے پڑ چکے ہیں۔

اقوام متحدہ بھی یروشلم کو اسرائیل کا جغرافیائی حصہ نہیں سمجھتا، امریکہ کے کہنے پر یروشلم کیسے اسرائیل کا دارالحکومت بن سکتا ہے۔

مولانا فضل الرحمن کا مزید کہنا تھا ڈونلڈ ٹرمپ کو اپنا فیصلہ واپس لینا پڑے گا، اس معاملے پر عرب ممالک کو بھی مفادات سے بالاتر ہو کر بولنا پڑے گا اور او آئی سی کو بھی موثر کردار ادا کرنا ہوگا۔

ان کا کہنا تھا کہ نبی اکرم ﷺ کی ذات اقدس کیلئے پوری امت بلا امتیاز رنگ و نسل متحد ہو جاتی ہے، ہم پارلیمنٹ میں معمولی سی قوت ہیں لیکن غیراسلامی قوانین نہیں بننے دیتے۔

اب بھی ختم نبوت حلف کا معاملہ چوبیس گھنٹوں کے اندر پارلیمنٹ میں حل کروایا، کچھ دوست سڑکوں پر چلے گئے، ان کو وہاں پر کامیابی مل گئی، یہ نازک مسائل ہیں، کچھ ناعاقبت اندیش اس پر آگ بھڑکانے کی کوشش کرتے ہیں۔

Print Friendly, PDF & Email

Comments

comments

یہ بھی پڑھیں