The news is by your side.

Advertisement

ایم ایم اے حکومت میں آئی تو ملک سے کرپشن ختم ہوجائے گی، مولانا فضل الرحمان

اسلام آباد : متحدہ جلس عمل کے سربراہ مولانا فضل الرحمان نے کہا ہے کہ ایم ایم اے حکومت میں آئی تو ملک سے کرپشن ختم ہوجائے گی، مخصوص طبقہ ملک کے اسلامی تشخص کی راہ میں بڑی رکاوٹ ہے۔

ان خیالات کا اظہار انہوں نے اسلام آباد میں میڈیا سے گفتگو کرتے ہوئے کیا، مولانافضل الرحمان کا کہنا تھا کہ ہم نے کوئی آف شور کمپنی نہیں بنائی اور نہ ہی کسی این آر او میں ہمارا نام آیا، اگر ہماری حکومت آئی تو پاکستان سے کرپشن کا خاتمہ کردیں گے۔

انہوں نے کہا کہ اس الیکشن میں ہمارا مقابلہ ان طاقتوں سے ہے جو پاکستان کا مذہبی تشخص ختم کرنا چاہتے ہیں، ایک مخصوص طبقہ ملک کے اسلامی تشخص کی راہ میں بڑی رکاوٹ ہے، نظریہ پاکستان سےمتصادم نظریات قوتوں کےعزائم ناکام بنائیں گے۔

مولانا فضل الرحمان نے چیئرمین پی ٹی آئی پر ان کا نام لیے بغیر تنقید کرتے ہوئے کہا کہ تبدیلی کا نعرہ لگانے والوں نے نئی نسل کی اخلاقیات کو تباہ کیا،۔

مزید پڑھیں: مولانا فضل الرحمان نے نگراں حکومت سے شفاف انتخابات کا مطالبہ کردیا

ملک پرقرض چڑھانے والے کس منہ سے ہم پر تنقید کرتے ہیں، صرف صوبہ خیبرپختونخوا پر ساڑھے تین سو ارب کا قرضہ ہے،300ڈیموں کا نعرہ لگانے والوں نے اپنے صوبے میں ایک ڈیم تک نہیں بنایا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں