fazal ملک میں اسلامی انقلاب کیلئے نئے سفرکا آغاز کریں گے، مولانا فضل الرحمان
The news is by your side.

Advertisement

ملک میں اسلامی انقلاب کیلئے نئے سفرکا آغاز کریں گے، مولانا فضل الرحمان

پشاور :جمعیت علمائے اسلام ف کے سربراہ مولانا فضل الرحمان نے کہا ہے کہ ملک میں اسلام کے انقلاب کیلئے اپنے نئے سفر کا آغاز کریں گے، پیپلزپارٹی کی حکومت ہو یا مسلم لیگ ن کی دونوں قرضے لیتی ہیں۔

ان خیالات کا اظہار انہوں نے نوابشاہ میں باب الاسلام کانفرنس سے خطاب کرتے ہوئے کیا، انہوں نے پیپلز پارٹی پر تنقید کرتے ہوئے کہا کہ عوام سے کہا گیا کہ روٹی ،کپڑا اورمکان دیں گے، مگر انہیں آج تک کچھ نہ ملا۔

آپ کے بچے کے ہاتھ میں جوروٹی کا نوالہ تھا وہ چھین لیا گیا، بدن پرجو کپڑا تھا وہ بھی چھن گیا، اب آپ کے سر پر جو چھت باقی بچی اب وہ بھی چھین رہے ہیں۔

انہوں نے کہا کہ70سال سے ہماری معیشت دباؤ میں ہے لیکن اگر ایران اور ترکی بحران سے نکل سکتے ہیں تو پاکستان کیوں نہیں نکل سکتا؟

مولانافضل الرحمان نے مزید کہا کہ ان قوتوں سے نجات کےلئے ہمیں بھرپور جدوجہد کرنی ہے، ایم ایم اے نے اعلان کیا ہے کہ قوم کو جبرسے نجات دلائیں گے۔

باب الاسلام کانفرنس سے خطاب میں انہوں نے کہا کہ پیپلزپارٹی کی حکومت ہو یا مسلم لیگ ن کی دونوں قرضے لیتی ہیں، پھر ایک دوسرے پر الزامات لگاتے ہیں کہ تم نے اتنا قرض لیا، ان لوگوں سے نہ مرکز میں نہ صوبوں اور نہ ہی بلدیاتی حکومتیں چل رہی ہیں۔

۔ متحدہ مجلس عمل وڈیروں سے عوام کو نجات دلائے گی اور اب غریب اس ملک پر راج کریں گے، ان کا کہنا تھا کہ ادارے ہمارے لئے قابل اعتماد ہیں ان کیخلاف کبھی بات نہیں کی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں