ملتان: جمعیت علمائے اسلام (ف) کے سربراہ مولانا فضل الرحمان نے کہا ہے کہ عوام کی منتخب حکومت وجود میں آنی چاہیے.
ان خیالات کا اظہار انھوں نے میڈیا سے گفتگو کرتے ہوئے کیا. مولانا فضل الرحمان کا کہنا تھا کہ حکومت کی ناتجربے کاری ثابت ہو چکی ہے، ہماراروپیہ ڈالر کے مقابلے میں گرگیا.
[bs-quote quote=”معیشت پر قومی ایکشن پلان ترتیب دینا ہوگا” style=”style-8″ align=”left” author_name=”مولانا فضل الرحمان”][/bs-quote]
مولانا فضل الرحمان نے کہا کہ اس ماہ کے آخر میں مشترکہ پلان ترتیب دیں گے، گرفتاریاں اپوزیشن کا کام آسان کر رہی ہیں، عام حالات میں اس طرح کی گرما گرمی نہیں ہوتی، بجٹ سے توجہ ہٹانے کے لئے گرفتاریاں کی جارہی ہیں.
ان کا کہنا تھا کہ ریاستی ادارے حکومت کی پشت پناہی چھوڑ دیں، 19 جون کو شوریٰ، رواں ماہ کے آخرمیں اے پی سی ہوگی، اے پی سی سمیت ملین مارچ کا سلسلہ بھی جاری رکھیں گی۔
مزید پڑھیں: پاکستان کا ہم سے زیادہ وفادار اور خیر خواہ کوئی نہیں ہوسکتا، مولانا فضل الرحمان
انھوں نے کہا کہ مذہبی جماعتیں سب متحد ہیں، اخترمینگل اپوزیشن میں ہوں گے، پاکستان کوازسرنوبیانیہ تشکیل دینا ہوگا.
مولانا فضل الرحمان کا کہنا تھا کہ معیشت پر قومی ایکشن پلان ترتیب دینا ہوگا، نیب نےحکومت کے خلاف تحریک شروع کردی ہے.
