کوئٹہ: جمعیت علمائے اسلام (ف) کے سربراہ مولانا فضل الرحمان نے کہا ہے کہ امریکا نے سی پیک کو اپنے لئے چیلنج سمجھا اور پاکستان میں سیاسی بحران پیدا کر دیا.
ان خیالات کا اظہار انھوں نے جے یوآئی (ف) کے زیراہتمام کنونشن سے خطاب کرتے ہوئے کیا. ان کا کہنا تھا کہ امریکا سی پیک کو اپنے لیے خطرہ سمجھتا ہے.
[bs-quote quote=” میرادل اس حکومت کو حکومت کا نام دینے پر آمادہ نہیں” style=”style-2″ align=”left” author_name=”مولانا فضل الرحمان”][/bs-quote]
انھوں نے مزید کہا کہ کبھی پاکستان کی تاریخ میں کسی منی بجٹ کے بعد اتنی مہنگائی نہیں ہوئی، جتنی اس حکومت کے دور میں ہوئی ہے.
مولانا فضل الرحمان کا کہنا تھا کہ ایک دن کے اندر ڈالر 120 سے 137 تک چلا گیا، جو پریشان کن ہے.
انھوں نے الیکشن کمیشن پر کڑی تنقید کرتے ہوئے کہا کہ اس بار ہونے والے الیکشن کو کسی میوزیم میں رکھنا چاہیے، اس پر ہمارے تحفظات ہیں.
مزید پڑھیں: زرداری فضل الرحمان ملاقات: حکومت کے خلاف مشترکہ حکمت عملی بنانے پراتفاق
مولانا فضل الرحمان نے سوال کیا کہ الیکشن کمیشن کیسے کہہ سکتا ہے کہ انتخابات شفاف ہوئے، ضرور الیکشن کمیشن والوں کاضمیربھی ان کوملامت کرتا ہوگا.
انھوں نے پی ٹی آئی حکومت کو آڑے ہاتھ لیتے ہوئے کہا کہ میرادل اس حکومت کو حکومت کا نام دینے پر آمادہ نہیں، یہ پاکستانی معیشت کومغرب کے تابع بنانا چاہتے ہیں اور معیشت کوتباہ کرنا چاہتے ہیں.
