مولانا فضل الرحمٰن کا فاٹا کے لیے ریفرنڈم کروانے کا مطالبہ -
The news is by your side.

Advertisement

مولانا فضل الرحمٰن کا فاٹا کے لیے ریفرنڈم کروانے کا مطالبہ

پشاور: مولانا فضل الرحمٰن نے فاٹا کے لیے ریفرنڈم کروانے کا مطالبہ کردیا۔ مولانا کا کہنا ہے کہ فاٹاسے متعلق فیصلہ فاٹا کے عوام سے پوچھ کر کیا جائے۔

تفصیلات کے مطابق جے یو آئی سیکریٹریٹ میں قبائلی جرگہ منعقد ہوا جس میں قبائلی ایجنسیوں کے سرکردہ عمائدین نے شرکت کی۔

جرگے سے خطاب کرتے ہوئے مولانا فضل الرحمٰن نے کہا کہ کابینہ نے انضمام کی منظوری دی ہے لیکن معاملہ ابھی پارلیمنٹ میں آنا ہے۔ ابھی انضمام کا معاملہ منجمد ہے، جے یو آئی کسی صورت انضمام کا فیصلہ تسلیم نہیں کرے گی۔

ان کا کہنا تھا کہ ابھی قبائل میں امن نہیں ہے، لوگ بے گھر ہیں، گھر اور بازار بنانے میں وقت لگے گا۔

مولانا فضل الرحمٰن نے کہا کہ قبائلی عوام کی مرضی کے بغیر انضمام درست نہیں۔ انہوں نے معاملے پر ریفرنڈم کروانے کا مطالبہ کردیا۔

Comments

comments

یہ بھی پڑھیں