اسلام آباد:جمعیت علمائے اسلام (ف) کے سربراہ مولانا فضل الرحمان نے کہا ہے کہ پاکستان کی خارجہ پالیسی اضطراب کا شکار ہے.
ان خیالات کا اظہار انھوں نے میڈیا سے گفتگو کرتے ہوئے کیا. مولانا فضل الرحمان کا کہنا تھا کہ نئی حکومت کی وجہ سے چین سے تعلقات متاثر ہوئے.
ان کا کہنا تھا کہ فاٹا سے متعلق بل اسمبلی میں بھونڈےاندازمیں پاس کرایاگیا، فاٹا بل پاس کرکے اب یہ لوگ پھنسے ہوئے ہیں، ہماری نظرمیں فاٹاکی آج بھی ایک علیحدہ حیثیت ہے.
مولانا فضل الرحمان نے کہا کہ آئین کےتحت ملک میں سپریم ایگزیکٹوموجود ہے، ایگزیکٹوکی جگہ کوئی کہےکہ وہ سپریم ایگزیکٹوہے تو یہ درست نہیں.
انھوں نے کہا کہ پارلیمنٹ کےمشترکہ اجلاس سے متعلق ن لیگ کی درخواست بجا ہے، اداروں کا تحفظ کریں، اس کے لئے قربانیاں دی ہیں.
مولانا فضل الرحمان نے کہا کہ تمام معاملات میں عوام کےاعتمادکےساتھ آگےبڑھناہے، حکومت متنازع فیصلے واپس لے، اگرایسا نہ ہوا، تو ہم فیصلے واپس کرائیں گے.
ان کا کہنا تھا کہ کلثوم نوازکی وفات پروہ نوازشریف اور ان کے فیملی سےتعزیت کرتے ہیں، اللہ کلثوم نوازکوجنت الفردوس میں اعلیٰ مقام عطافرمائے.